Incident me flamurin dhe censurë, skandal i Spanjës me Kosovën
Televizioni s’e tha emrin, gazetarët “luftë” për flamurin
Ishte një ndeshje e rrallë dhe e çuditshme për televizionin shtetëror të Spanjës, ajo e mbrëmshmja mes iberikëve dhe Kosovës. Përpara ndeshjes, komentatorët dhe gazetarët kishin marrë urdhrin për të mos e quajtur përfaqësuesen e “Dardanëve” në emër, por për ta bërë këtë emër: Federata e Futbollit të Kosovës. Kjo gjë ndodh për shkak të problemeve të brendshme që kanë në Spanjë për pavarësinë e Katalonjës dhe për këtë arsye, ata nuk e njohin Kosovën si shtet. Gjatë këtyre ditëve, gjatë gjithë reklamave, lajmeve dhe transmetimeve të bëra “La 1” e ka shmangur emrin Kosovë, duke thënë që Spanja do të luajë me Federatën e Futbollit të Kosovës. Kjo ishte një provë zjarri edhe për komentatorët, të cilët e analizuan këtë ndeshje nën trysni. Megjithatë, ndeshja u zhvillua sipas rregullave. Kosova kishte flamurin e saj në “La Kartuha” të Seviljes dhe përpara fillimit të ndeshjes u dëgjua edhe himni. FIFA ishte e prerë me spanjollët që të respektonin të gjitha të drejtat e kundërshtarit të tyre në këtë ndeshje eliminatore. Megjithatë, televizioni shtetëror e transmetoi himnin e Kosovës. Mediat raportonin se mund ta shkëpusnin transmetimin në atë moment. Regjia në fakt kishte zgjedhur të “hakmerrej” me një tjetër mënyrë duke e shkruar me të vogla emrin e Kosovës në grafikën që tregon rezultatin. Kjo gjë shkaktoi shumë polemika, por problemet politike vazhduan
ENRIKE NË ASHENSORNuk ka qenë aspak e mirë pragndeshja kundër Kosovës për trajnerin e Spanjës, Luis Enrike. Trajneri i iberikëve bashkë me stafin e tij teknik ka ngecur në ashensorin e hotelit në momentin që do të dilnin për të shkuar në stadiumin “La Kartuha”. Kjo gjë bëri që pjesa tjetër e kombëtares spanjolle të nisej pa trajnerin, sepse në të kundërt do të rrezikonin shumë. Ai qëndroi për afro një orë i bllokuar deri sa erdhën teknikët dhe e zgjidhën problemin për t’i nxjerrë nga ashensori. Një situatë aspak e këndshme, sidomos kur ke përpara një ndeshje të rëndësishme. Enrike dhe stafi iu
bashkuan skuadrës me një tjetër autobus dhe mbërritën me vonesë në stadium. Për pak rrezikoi që ndeshja të fillonte, por erdhi në kohë.
FLAMURI I KOSOVËSNjë grup gazetarësh dhe të ftuarish nga federata e Kosovës kanë shpalosur një flamur në
shkallët e stadiumit, por kjo gjë nuk është pritur mirë nga federata spanjolle. Një punonjës i saj ka kërkuar që ta hiqnin, por ata diskutuan dhe debatuan duke dalë fitues nga kjo gjë. Edhe UEFA u ka dhënë të drejtë që ta mbanin flamurin sepse nuk kishte asgjë të keqe.