Konte jep urdhrin: Tani duhet të mbyllim kampionatin
Sot Interi rikuperon javën e 28-të me Sasuolon “Lautaro ka të ardhme të madhe, varet nga ai”
Sfida me Sasuolon do të vlejë për t’u distan cuar më tepër në klasifikim dhe për të bërë hapa të rëndësishëm përpara drejt titullit. Antonio Konte nuk dëshiron shpërqendrime drejt objektivit nga Interi i tij. “Po arrijmë gjëra të rëndësishme, – ka komentuar trajneri zikaltër në vigjilje, - tani duhet të plotësojmë rrugën”. Në sulm pritet gjithmonë Lukaku që ka ekzaltuar grupin: “I rëndësishëm është gjithmonë koncepti i ‘ne’ që vjen përpara ‘unë’. Lojtarët e kanë kuptuar”.
Ndeshja e fazës së parë ishte ajo e kthesës edhe nga pikëpamja e soliditetit në mbrojtje?
Zakonisht, nëse dëshiron të bësh kampionate si protagonist, duhet të ketë ekuilibër. Nga fillimi i sezonit kemi pësuar shumë gola sepse nuk kishim ekuilibrat e duhur, më pas dalëngadalë kryem disa vlerësime së bashku me lojtarët për të gjetur formulën më të mirë.
Sa do të ndikojë fakti që keni pasur pak kohë për të rikuperuar?
Deri në pikën e duhur, për ne dhe Sasuolon. Jemi mësuar me faktin që luajmë çdo tri ditë, në këtë rast katër. Përtej rikuperimit, e rëndësishme është të kesh entuziazëm dhe dëshirë.
Interi vrapon mesatarisht 113 kilometra për ndeshje, askush si ju. Sa e rëndësishme do të jetë kjo në sprintin final?
Forma fizike është e rëndësishme në çdo rast, lojtari duhet të ndihet mirë gjatë ndeshjes. Përtej mesatares, e rëndësishme është të vrapohet gjithmonë në mënyrën e duhur, në fazën me dhe pa top.
Ndodheni në vendin e parë në raportin goditje në portë/gola të shënuar. Skuadra është cinike siç dëshironit?
E rëndësishme është të shfrytëzohen rastet që krijon. Jemi skuadra që krijon më shumë në zonën kundërshtare, kur rastis momenti i duhur duhet të përpiqesh të shënosh, edhe pse maksimumi barazon, nëse të shkon mirë.
Lukaku pas Bolonjës u shpreh se nuk do të ishte askushi pa skuadrën...
Në të gjitha skuadrat të mendosh me “ne” është aspekti më i rëndësishëm,
edhe pse individi nuk bën skuadrën të fitojë. Është grupi ai që ekzalton individin, lojtarët e kanë kuptuar dhe po punojnë në këtë drejtim.
Sa është rritur Lautaro në fazën mbrojtëse?
Është rritur në gjithçka,
me dhe pa top, në mbajtjen e topit, në sulmin e thellësisë. Ashtu si të tjerët, ka bërë përmirësime vërtet të rëndësishme, tani duhet të vazhdojë në këtë rrugë. Duke llogaritur moshën e re, ka një të ardhme të madhe përpara, do të varet nga ai.