Stadiume të hapura për Europianin, japin OK edhe Spanja e Holanda

Pas Italisë edhe katër shtete lejojnë tifozët

Pasi qeveria italiane njoftoi se do të lejojë tifozët për Europianin, shumë shtet po ndjekin hapin e Italisë. Në Gadishullin Apenin në kuadër të kompeticionit më të rëndësishëm kontinental në rang kombëtaresh do të lejohet që në stadiume të ketë tifozë në masën 25 për qind të kapacitetit të impiantit. Ky kthim drejt normaliteti do të ndodhë edhe në Spanjë ku Komuna e Bilbaos ka njoftuar se do të lejohet që në “San Mames” të ketë deri në 14 mijë tifozë me rastin e ndeshjeve të “Euro2020”. Lajmi është zyrtarizuar nga vetë UEFA që ka marrë në dorë dosjen e qytetit bask ku do të luhen ndeshjet e grupit E: Spanjë-suedi, Spanjë -Poloni, Sllovaki- Spanjë plus edhe një çerekfinale. Dritë jeshile nga Amsterdami për tifozët në kuadër të Euro 2020. “Johann Cruijff Arena” do të jetë në gjendje të presë të paktën 12 mijë spektatorë për Kampionatin Evropian, një numër që mund të rritet ose zvogëlohet në varësi të zhvillimeve të Koronavirusit në qershor. Kjo është marrëveshja e nënshkruar nga

Federata Holandeze e Futbollit (KNVB), Ministria e Shëndetësisë, Mirëqenies dhe Sporteve dhe qyteti i Amsterdamit. Kryeqyteti holandez do të presë 4 ndeshje, 3 të fazës së grupeve, përkatësisht: Holandë-ukrainë (13 qershor), Holandë-austri (17 qershor) dhe Holandë-maqedoni e Veriut (21 qershor) plus edhe një çerekfinale

planifikuar për në 26 qershor. Edhe qeveria skoceze gjithashtu vendosi se deri në 12,000 tifozë mund të pranohen në katër ndeshjet e Euro 2020 që do të luhen në Glasgou, me stadiumin “Hampden Park” në 25% të kapacitetit, teksa garanci ende nuk ka nga Irlanda, e cila ka katër gara të planifikuara në Dublin.