Ibra, Ibra, tashmë tashmë aktor aktor filmash filmash
Suedezi imiton Shumakerin dhe Zidanin, do të jetë pjesë e “Asteriks dhe Obeliks”
Zlatan Ibrahimoviç është i përqendru ar te Milani ku do të luajë për të paktën edhe sezonin tjetër, por kjo nuk e pengon atë të ketë projekte të tjera. Siç bëhet e ditur, ai vazhdon të planifikojë jetën e tij jashtë fushës së futbollit. Pas nisjes së xhirimeve për filmin autobiografik dhe përvojës në “Sanremo” 39vjeçari hedh një hap në karrierën si aktor. Lajmin e ka bërë të ditur vetë sulmuesi i Milanit që me anë të një postim në “Instagram”, ka vendosur një fotografi ku shkruhet “Antivirus”. Ajo që qëndronte pas këtij lajmi u zbulua nga media të ndryshme të cilat bëjnë të ditur se Ibra do të interpretojë në episodin e radhës të sagës “Asteriks dhe Obeliks” e do të ketë rolin e një personazhi të quajtur “Antivirus”. Në librin vizatimor ai është një legjionar romak në kampin e Babaorumit, një nga katër legjione që rrethon fshatin e galëve në të cilin banojnë të dy protagonistët (Asteriksi dhe Obeliksi). Xhirimet duhej të fillonin që në vitin 2020, por gjithçka u shty për shkak të pandemisë së Koronavirusit. Përkrah sulmuesit të Milanit do të luajnë dy yje të kinemasë franceze si Marion Kotijar (në rolin e Kleopatrës) dhe Vinsent Kasel (i cili do të jetë Jul Cezari), ndërkohë që Gijom
Kane dhe Zhil Lelush do të luajnë Asteriksin dhe Obeliksin. Në të kaluarën, disa sportistë me famë ndërkombëtare kishin luajtur në filma të frymëzuar nga personazhet e krijuara nga Rëne Goshini dhe Alber Uderzo. Mes tyre mund të përmendim Majkëll Shumaker, Zinedin Zidan dhe Toni Parker, të gjithë protagonistë të episodit “Asteriks në Lojërat Olimpike” (2008).