Kampionati Kampionati i i çudirave, çudirave, ja pse pse Teuta Teuta dhe dhe Laçi Laçi janë favoritë favoritë për për titullin
Mungon dominimi i liderit, Partizani gola pa bomber
Edicioni i 82-të i Kat egorisë Superiore mund të quhet fare mirë si sezon çudirash për vetë atë që ka prodhuar në 26 javët e luajtura në kampionat. Janë të shumtë komponentët e këtij sezoni që e bëjnë të veçantë kampionatin. “Panorama Sport” ka bërë një analizë dhe krahasim të fakteve të 26 javëve të këtij kampionati me 10 edicionet e shkuara në të njëjtën pikë ku jemi aktualisht.
BASHKËKRYESIMI
Po të shikosh renditjet e Superiores në dekadën e fundit, shikon se në 10 kampionet e fundit në përfundim të javës së 26-të nuk kemi pasur në asnjë rast që dy skuadra të bashkëkryesojnë me pikë të barabarta, siç janë Teuta dhe Vllaznia me 46 pikë.
PIKËT E PAKTA
Vëzhgimi dhe krahasimi i renditjeve të 10 kampionateve të shkuara me aktualin tregon se këtë vit kryesuesi ka shifrën më të ulët të pikëve të fituara në 26 javët e para. Diferencat janë të mëdha, pasi në rastin më të ulët del se diferenca është -6 pikë. Krahasimi i renditjeve në këtë pikë të kampionatit nga edicioni 2010-2011 deri në sezonin 2020-2021 tregon se këtë vit nuk kemi një ekip që dominon dhe kjo ka bërë që kryesuesja të ketë kaq pak pikë në krahasim me kryesueset e dekadës së fundit. Rekordmen është Skënderbeu i sezonit 2015-2016 që në 26 javë kishte grumbulluar 60 pikë, ose thënë ndryshe 14 pikë më
shumë se dy bashkëkryesueset aktuale, Teuta dhe Vllaznia. Para këtij sezoni, në 26 javë kryesuesja më “e dobët kishte 52 pikë, që përkon me Kukësin.
5 EKIPE PËR TITULL
Tjetër fakt që e bën “të çmendur” këtë sezon futbollistik është edhe beteja e zgjeruar e skuadrave për titullin kampion. Kur kanë mbetur edhe 10 javë për t’u luajtur, gjysma e skuadrave luftojnë për titull. Vendin e parë me të pestin që mbahet nga Tirana e ndajnë vetëm pesë pikë, kështu që gjysma e parë e renditjes i ka të gjitha mundësitë për të fituar titullin. Kjo pa dyshim është
një dukuri e veçantë, që nuk e kemi ndeshur më parë pas 26 javësh jo vetëm në dekadën e fundit, por mbase edhe më gjatë në Superiore. Kjo mund të merret si rivalitet dhe luftë e fortë sportive, por po të analizosh të gjitha arritjet më shumë tregon brishtësinë e futbollit shqiptar dhe frikën e skuadrave për të mos mundur. Në përgjithësi më shumë po luhet “lojë shahu”, pasi mungon guximi për të zhvilluar lojëra atraktive dhe spektakolare.
FENOMENI “TEUTA”
Skuadra durrsake për herë të parë e ka kapur vendin e parë pas javës së 26-të. Ecuria e durrsakëve pa dyshim që është një fenomen në vete, duke treguar edhe nivelin e ulët që ka futbolli shqiptar. Teuta konsiderohet fenomen, për shkakun se kryeson Superioren, ku gjysmën e ndeshjeve të luajtura i ka mbyllur në barazim. Çudia tjetër është se Teuta kryeson kampionatin me 25 gola të shënuar, që i bie me më pak se një gol për ndeshje. Që këtu merr fund debati se sa atraktiv dhe spektakolar është ky edicion i Superiores. Por, si Teuta kemi edhe katër skuadra të tjera që kanë shënuar më pak se një gol për ndeshje. Apolonia është e fundit me 18 gola, për të vijuar me Kastriotin me 20 gola të shënuar, Bylisin me 21 dhe Skënderbeun me 23 gola të shënuar në 26 javë kampionat. Shpesh është thënë se mund të dilet kampion edhe me një gol për ndeshje, por Teuta mund të bëjë çudinë duke fituar titullin edhe me më pak se një gol për ndeshje...
PARTIZANI I PARI
PËR GOLA Partizani e nisi sezonin me merkato të bllokuar dhe trajnerit Ilir Daja iu desh që deri në dhjetor të manovronte me lojtarët e trashëguar nga sezoni i kaluar, ku të kuqtë mbeten jashtë Europës. Në janar larguan edhe dy sulmuesit “pykë”, Solomon dhe Braun, që nuk u zëvendësuan. Pas 26 javësh kampionat Partizani rezulton si ekipi me fazën sulmuese më produktive, ndonëse në dy javët e fundit nuk e kanë prekur rrjetën. Të kuqtë kanë realizuar 34 gola në 26 javë dhe pas tyre vjen Laçi me 33 gola të shënuar. Ajo që e bën të veçantë Partizanin është shpërndarja e golit, pasi dihet se “demave” u mungon bomberi, apo pika referuese në majë të sulmit. Partizani është ekipi me numrin më të lartë të lojtarëve që kanë shënuar gol në këtë sezon, plot 14 vetë, por për fat të keq njëri pret tyre është autogoli i Hakajt në favor të Apolonisë. Po të heqësh këtë autogol, i bie që Partizani dhe Skënderbeu janë skuadrat me numrin më të lartë të lojtarëve që kanë shënuar në favor në 26 javët e para, me nga 13 futbollistë.