Kaos në KOKSH, Bezhani: Kanë plan mizor

FSHF dhe 22 federata nuk votojnë, ish-presidenti: Vepër e Fidel Yllit

Prej kohësh Komiteti Olimpik Kombëtar Shqiptar na ka shoqëruar me përplasje dhe tensione të vazhdueshme nga protagonistë që e drejtojnë apo që aderojnë në këtë institucion, duke e çuar KOKSH-IN në një kaos total. Pas...

Prej kohësh Komiteti Olimpik Kombëtar Shqiptar na ka shoqëruar me përplasje dhe tensione të vazhdueshme nga protagonistë që e drejtojnë apo që aderojnë në këtë institucion, duke e çuar KOKSHIN në një kaos total. Pas miratimit të statutit në janar, ku sërish pati debate dhe polemika të forta për asamblenë që vendosi ta shkarkonte presidentin Viron Bezhani, institucioni më i lartë i sportit në vend, po përgatit Asamblenë e Përgjithshme të 17 prillit, nga ku do të dalë presidenti dhe bordi i ri drejtues. Komisioni i Verifikimit të Etikës ka shqyrtuar kandidaturat për presidencën, zv.presidencën, anëtarët e komitetit ekzekutiv, gjithashtu edhe federatat që do të votojnë në këtë asamble. Në dokumentin e Komisionit të Etikës të publikuar së fundmi bien në sy se plot 23 federata sportive në vend nuk mund të marrin pjesë në Asamblenë e Zgjedhore të 17 prillit. Shkaku është mangësia në dokumentacionin që kanë dorëzuar, ku për arsye të ndryshme, si mungesa e listës së aktiviteteve të vitit 2020 apo pagesës së kuotës financiare të përvitshme, gjë që u heq atyre të drejtën e votës në asamble. Një pjesë e këtyre federatave e kanë lexuar këtë dokument si një përjashtim, por në fakt ato kanë edhe 5 ditë afat që nga marrja e njoftimit, për t’i plotësuar të gjitha mangësitë e evidentuara. Këtu bëhet fjalë për federatat elitare si ajo e Futbollit, Mundjes, Atletikës,

Peshëngritjes etj. Në listën e siguruar, mund të votojnë vetëm 18 federata, pra më pak se numri i atyre që janë përjashtuar. Për shkak të mungesës së dokumentacionet, deri më tani mbetet jashtë gare edhe kandidati për president Artan Shytaj, ndërsa janë OK tri kandidaturat e tjera për kreun e KOKSH: Fidel Ylli, Vojo Malo dhe Martin Biba.