Plori, replikë Martinit: Je i pari pa lojë

Elvis Plori dhe Edi Martini për herë të fundit kanë qenë së bashku pjesë e Vllaznisë si futbollistë kur shkodranët fitonin kampionatin në vitin 2001. Por, dy dekada më pas, ata luftojnë për titullin me role të rëndësishme në stafin teknik të Vllaznisë dhe Teutës. Zv.trajneri i kuqebluve,

Plori, nisi i pari ngacmimet për...

Një deklaratë e zëvendëstrajnerit të Vllaznisë, Elvis Plori, në fundjavën e kaluar, nuk i ka pëlqyer aspak numrit një të pankinës durrsake, Edi Martini. Ky i fundit, duke folur të dielën në mbrëmje në “Rubrika Sportive”, në “RTSH” për momentin e mirë që po kalon Teuta, injoroi atë që kishte thënë Plori në të njëjtin emision, në një kohë që u pyet për të bërë një replikë. “Nuk e njoh, kush është ky? Nuk e njoh, nuk e di ku ka luajtur futboll dhe nuk e di ku ka drejtuar. Gjithsesi, unë merrem me ekipin tim. Kam shumë pak kohë të merrem me të tjerët dhe pak më intereson. Jam super i kënaqur me lojën dhe shpresoj të vazhdoj me këtë ritëm, sepse jemi në vend të parë dhe kjo më ngroh më tepër”, u shpreh Martini, duke mos lënë pas ironinë.

ÇFARË THA PLORI – “Me Martinin jemi miq. Edit nuk i ka dalë asnjë nga parashikimet para fillimit të kampionatit. Ka menduar se do të jemi për mbijetesë dhe do të biem nga kategoria. Kur luajtëm ndeshjen e parë, më tha ‘çfarë i bëre vetes që erdhe në Shkodër’. Tani thotë jeni bërë skuadër e fortë. Nëse do të flitet për futboll, është Teuta që luan futbollin më të shëmtuar nga 5 skuadrat që janë në luftë për titull”, ka deklaruar zv.trajneri i Vllaznisë të dielën e kaluar.