Liga Unike, Peja dhe Ylli sigurojnë finalen e madhe

Goga nuk ia del përballë skuadrës nga Theranda

Peja dhe Golden Eagle Ylli janë dy skuadrat finaliste të edicionit të parë të Ligës Unike, pasi fituan respektivisht ndaj Rahovecit dhe Goga Basket në ndeshjet e djeshme gjysmëfinale që u zhvilluan në pallatin e sportit “Dhimitraq Goga” në Durrës, aty ku po mbahet edhe faza “Final 4”.

RAHOVECI-PEJA Gjysmëfinalja e parë ndërmjet dy skuadrave kosovare ishte shumë e luftuar. Rahoveci e mbylli periodën e parë me dy pikë avantazh 17-15. Në fraksionin e dytë, Peja triumfoi 2016, duke shkuar me dy pikë epërsi në pushim (35-33). Vendimtare për fatet e ndeshjes do të rezultonte perioda e tretë, me Pejën që fitoi 30-13, për të kryesuar me 19 pikë kur kishte mbetur edhe një periodë. Megjithatë Rahoveci nuk u dorëzua dhe nisi rikuperimin duke i ngushtuar shifrat në 73-71, 10 sekonda nga fundi, teksa kishte në dispozicion edhe topin. Çastet e fundit ishin dramtike, por një bllokim fantastik nga Shoshi si dhe një gjuajtje e gabuar e Devis bënë që Peja të presë biletën për në finale. Uollters me 20 pikë dhe 11 rikuperime ishte më i miri për Pejën, ndërsa për Rahovencin nuk mjaftuan 35 pikët e Devis.

GOGA-YLLI. Në takimin tjetër, Ylli mposhti vendësit e Goga Basket me rezultatin 8674. Sfida ishte mjaft e rivalizuar deri në mesin e periodës së katërt, moment kur ekipi nga Kosova u shkëput në pikë. Fillimi i lojës ishte më i mirë për miqtë, ndërsa Goga kishte ritëm më të ulët dhe vështirësi në depërtime. Nga ana tjetër skuadra nga Theranda luante më shpejt. Në 10-minutëshin e dytë Goga ndryshoi taktikë dhe zgjodhi gjuajtjet për tre pikë, ku efikasiteti ishte në nivele shumë të larta. Kjo solli që skuadra e

Lazimit të marrë edhe një epërsi të lehtë në pikë. Në periodën e tretë Ylli tentoi me këmbëngulje përmbysjen, por Goga rezistoi. Mirëpo, në mesin e periodës së fundit erdhi edhe përmbysja, e cila ndodhi në më pak se një minutë dhe që rezultoi vendimtare për takimin. Për Yllin

shkëlqeu Klark me 18 pikë dhe 6 kërcime, ndërsa te Goga më i miri ishte Blagojeviç, i cili regjistroi 26 pikë dhe 8 kërcime. Sot në orën 16:00 do të luhet ndeshja për vendin e tretë mes Gogës dhe Rahovecit, ndërsa në orën 19:00 është finalja Peja-ylli.