NOTAT E BAJERNIT
NOJER 8,5 – Betejën e tij të gjatë kundër Nejmarit e fiton gjithnjë, i ndihmuar edhe nga shtyllat. I mrekullueshëm në daljet nga zona, marka e tij e futbollit. Është absolutisht i pakalueshëm. Pritjet e tij janë të panumërueshme. Nëse Bajerni mbetet në garë deri në sekondën e fundit është falë tij.
PAVAR 6 – Në krahun e tij Draksleri është më pak i rrezikshmi, kështu që provon të shtyjë përpara.
BOATENG 6,5 – I sheh kundërshtarët ta sulmojnë me 100 km/h, provon të ruajë ekuilibrin, për të mos i ndjekur kurrë.
HERNANDEZ 7,5 – Duhet të përballet shpesh me shpejtësinë e Mbapesë dhe arrin të bëjë maksimumin. Është më i miri i repartit të tij pas Nojerit.
DEJVIS 6 – Di Maria është një kundërshtar i parehatshëm dhe ndonjëherë driblohet, por e kompenson me daljet në sulm, edhe pse nuk është vendimtar si zakonisht. Vendos këmbën e tij në aksionin e golit (nga 71’ Musiala, pa notë).
ALABA 6 – Zëvendëson Drakslerin në mesfushë, ndihmon edhe Dejvisin kur sulmohet. Një xhol që bën gjithçka, madje Navas i mohoi edhe golin.
KIMISH 6,5 – Shkel kudo. Ndërpret dhe ndërton aksione. Mesfushori modern dhe tmerrësisht i zoti në të dyja fazat e lojës.
SANE 6,5 – Shpesh e lë pas Dialonë me rrotullimet e tij, por vetëm kur hyn Baker bëhet me të vërtetë i rrezikshëm. I pasaktë në aksionet e fundit ku Bajerni mund të kishte shënuar golin e dytë.
MYLER 6,5 – I dobishëm si gjithnjë, vendimtar si gjithnjë. Nga një asist i tij lind goli i avantazhit. Gjithnjë i rrezikshëm dhe bën diferencën, por nuk shërbehet gjithnjë në mënyrë perfekte.
KOMAN 5 – Më pak i rrezikshëm në krahasim me ndeshjen e parë, por nga anët e tij bavarezët e kanë projektuar lojën e tyre sulmuese.
ÇUPO-MOTING 6,5 – I zoti te goli, por nuk është Levandovski. Megjithatë, rolin e zëvendësuesit e bën mirë, duke shënuar si në Mynih ashtu edhe në Paris.
TRAJNERI FLIK 7 – Bën atë që mundet, me shumë raste dhe përballet me një PSG të çmendur. Bajerni i tij dominoi në 180 minuta, por i mungoi vetëm një gol më shumë dhe pa Gnabrinë dhe Levën gjërat janë sigurisht më të vështira. Në fund provon të aktivizojë qendërsulmues Havi Martinezin.