Materaci: Për Champions-in e shoh keq Juven

Numërimi së prapthi tek Interi ka nisur, por këto tetë javë të fundit të Serisë A ofrojnë shumë spunto interesante jo vetëm në optikën e titullit. Në intervistën për “Il Mattino”, ish-mbrojtësi zikaltër, Marko Materaci, ka folur edhe lidhur me garën për tri vendet në Ligën e Kampioneve.

GARA CHAMPIONS – “Cila shkon në Champions? Shikoj keq Juventusin. Disa javë më parë do të kisha thënë që Milani do të humbiste pikë, por po mban një ritëm të rëndësishëm dhe meriton të shkojë. Atalanta po ecën me gjithë forcën, ndërsa është Juventusi që e shikoj më dobët. Turi i radhës ku luhet Napoli-inter dhe Atalanta-juventus do të jetë shumë i rëndësishëm”. XHENARO GATUZO – “Si e shikoj Gatuzon? Si gjithmonë. I zakonshmi Rino, që te Milani ka treguar se mund të largohet duke lënë shumë para pa iu shkelur dinjiteti. Ka ditur të presë, ka pritur telefonatën e Napolit dhe pavarësisht të gjitha problemeve që ka pasur në këto dy vite, e ringriti skuadrën në një moment të vështirë dhe një vit më parë fitoi Kupën e Italisë. Mendoj se Napoli është skuadra që luan futbollin më të mirë të gjithë kampionatit”.

NDËRTIMI NGA PRAPAVIJA – “E nisim nga fakti që nuk më pëlqen tepër, por në rastin e Napolit e bëjnë me konkretësi. Në kohët e mia objektivi ishte të kaloheshin 40 metrat dhe atëherë mund të mjaftonte një harkim në thellësi: tani metrat janë 90 sepse të gjithë ushtrojnë presing të avancuar. Dhe, kur gjen skuadra të organizuara mirë si Barcelona, duhet të tregohesh akoma më i kujdesshëm, sepse më pas ndodhen dy hapa larg portës sate dhe mund të të dëmtojnë”. NAPOLI-INTER – “Sfidohen dy kampionë të stolit. Skuadra me dy objektiva dhe filozofi loje të ndryshme, por trajnerë që përjetojnë ndeshjen në mënyra shumë të ngjashme. Do të jetë një ndeshje e bukur, edhe pse Interi nuk është brilant si skuadër”.