Pa votë në asamble, FSHF: Bojkotoni zgjedhjet!
Sekretariati përzgjedh federatat me një... memorandum
Komiteti Olimpik Kombëtar Shqip tar do të zhvillojë më 17 prill punimet e asamblesë, me gjithë kundërshtitë nga kandidatë dhe federata të ndryshme. Me anë të një vendimi, Komisioni i Verifikimeve dhe Etikës krijuar së fundmi ka bërë të mundur përjashtimin e federatës së futbollit dhe kandidatit të propozuar prej saj. Në proces, FSHF është lënë pa votë si dhe kandidati, Artan Shytaj ku me anë të një memorandumi sekretariati aktual i KOKSH ka bërë me dije kandidatët që plotësojnë kriteret, sipas tyre, për të qenë në këtë proces zgjedhor si dhe anëtarët me të drejtë vote. Bie në sy mungesa e futbollit, si për të ushtruar të drejtën e votës, ashtu edhe e kandidatit të propozuar prej saj, zotit Artan Shytaj.
THIRRJA E FSHF-SË PËR BOJKOT
Gjatë mbrëmjes së djeshme, FSHF ka bërë edhe një reagim duke artikuluar thirrjen për bojkot të kësaj asambleje: “FSHF u njoftua sot përmes një email-i se nuk do të këtë të drejtën e votës në Asamblenë Zgjedhore të Komitetit Olimpik Kombëtar Shqiptar, duke u cenuar kështu nga një e drejtë themelore e çdo organizate me anëtarësi. Me këtë njoftim na u bë gjithashtu e ditur se kandidati i propozuar prej komunitetit të futbollit nuk do këtë të drejtën të zgjidhet. Ashtu si FSHF-SË edhe federatave të tjera u është mohuar kjo e drejtë. Në listën e gjatë të vendimeve kundër interesave të sportit, ky është patjetër më i rëndi në historinë e këtij komiteti që vetëm olimpik e kombëtar nuk është. Me bindjen se zgjedhja e një presidenti është problemi i fundit që KOKSH ka, FSHFJA iu përgjigj dje kërkesës për mendim të zv./presidentit dhe kandidatit për president, Vojo Malo, duke propozuar shtyrjen e asamblesë zgjedhore të datës 17 prill me qëllim rregullimin e problemeve themelore të këtij institucioni që fillojnë dhe mbarojnë tek anëtarësia. Duke pasur axhendë tjetër, nën shembullin e partive politike, nga (nuk) dihet se kush u vendos ndryshe, duke u injoruar edhe një herë qoftë kushtet higjienike, qoftë masat kufizuese të vendosura për shkak të COVID-19. Për qetësinë e organizatorëve, FSHF nuk do të marrë pjesë në këtë asamble dhe fton secilën federatë që ka sadopak ndërgjegje për çka po ndodh, ta bojkotojë atë për shkak të veprimeve të panumërta antiligjore që vijojnë të ndodhin e që do të vazhdojnë të jenë objekt i hetimeve gjyqësore. Dëshirojmë sot të nënvizojmë se ndryshe nga çfarë u intereson organizatorëve të kësaj pengmarrjeje dhe bashkëpunëtorëve të tyre, kritikat dhe sugjerimet e FSHF-SË nuk janë përpjekje për t’i marrë udhëtimet jashtë shtetit ndokujt, por besim i sinqertë se përmes diskutimeve të hapura e në dobi të sportit kjo organizatë do mundet vërtet të fillojë një kapitull të ri të olimpizmit shqiptar. Por, kur asnjë përpjekje nuk kursehet për ta zbehur zërin e komunitetit më të madh të sportistëve në vend, kjo organizatë ka një problem serioz me të vërtetën dhe ka dështuar në përmbushjen detyrave për të cilat është themeluar. FSHF nuk ka interes për të qenë pjesë e asnjë organizate, e cila nuk e dëshiron kontributin e saj aq më pak një organizate politike, ndaj do ta diskutojë me anëtarët e vet nëse do t[ vijojë të jetë pjesë e KOKSH”, ka qenë reagimi i FSHF-SË.