Botërori, FSHF 3 milionë euro premio Kombëtares
Miliona për çdo ndeshje, zbulohet sa marrin kuqezinjtë në rast kualifikimi
Shqipëria ka nisur edicionin kualifikues drejt Botërorit, “Katar 2022”. Në tri takimet e para, kuqezinjtë kanë bërë “detyrat e shtëpisë” sa u takon pikëve, duke mposhtur
Andorrën dhe San Marinon, mirëpo kanë qenë larg me lojën dhe atë që është treguar në fushë përballë këtyre dy ekipeve modeste në letër. Po shpërblimet...
Shqipëria ka nisur edi cionin kualifikues drejt Botërorit, “Katar 2022”. Në tri takimet e para, kuqezinjtë kanë bërë “detyrat e shtëpisë” sa u takon pikëve, duke mposhtur Andorrën dhe San Marinon, mirëpo ka qenë larg me lojën dhe atë që është treguar në fushë përballë këtyre dy ekipeve, modestë në letër. Po shpërblimet sa kanë qenë në këto tri ndeshje, përfshirë edhe Anglinë? “Panorama Sport”, ekskluzivisht ka mësuar shpërblimin e vënë në dispozicion nga FSHF-JA për skuadrën për çdo ndeshje, brenda dhe jashtë fushe. Jo vetëm kaq por edhe premion e majme për kualifikimin historik në Botërorin “Katar 2022”, për të cilin vlera është 3 milionë euro. SHPËRBLIMET
Në Kombëtare luhet për nder dhe krenari, mirëpo kënaqësia që merr i gjithë kombi nga kuqezinjtë meriton në këmbim edhe një shpërblim monetar nga institucioni i futbollit. Gazeta ka mësuar ekskluzivisht se në vendimin për shpërblimin e Kombëtares, mungon vetëm trajneri Reja, i cili i ka të parashikuara në kontratën personale të gjitha klauzolat dhe shpërblimet për çdo edicion që drejton. Dy asistentët e tij kanë shpërblim nga 1000 euro për çdo fitore, brenda apo jashtë fushe. Ndërsa, për barazimin, varion nga 500 euro, 750 euro dhe të tjera shifra në varësi edhe të kundërshtarit. Shpërblim për rezultate pozitive ka edhe për mjekët, fizioterapistët si edhe dy punëtorët që kujdesen për të gjithë bazën materiale të ekipit, në çdo grumbullim
dhe në çdo ndeshje që kanë për të zhvilluar. SKUADRA
Një nga kundërshtarët, për të cilin 23 lojtarët e grumbulluar të Kombëtares nuk marrin shpërblim brenda dhe jashtë fushe, është San Marino. Ndërkohë, për Andorrën
transferta është shpërblyer me 1000 euro për secilin ndërsa triumfi në Tiranë vlerësohet me 500 euro. Me humbjen në Tiranë, kuqezinjtë kanë humbur shpërblimin prej 8000 eurosh secili prej 23 lojtarëve. Ndërsa, në rast triumfi në Angli shpërblimi është
10 mijë euro për secilin. Barazimi shpërblehet me 6 mijë euro secilit. Transferta polake është e dyta për nga vlerësimi me 8 mijë euro për fitoren dhe pesë mijë për barazimin ndërsa 3 pikët në Hungari shpërblehen me 6 mijë euro për çdo lojtar. Barazimi,
dy mijë më pak. Fitorja në Shqipëri ndaj Levandovski & CO vlerësohet me 6 mijë euro premio dhe ndaj Hungarisë me 4 mijë euro secilit. Barazimi në shtëpi, ndaj Polonisë shpërblehet me 4 mijë euro për secilin dhe ndaj Hungarisë me 2 mijë për secilin.