Tirana në hall, tri javë stërvitje mes vapës së kryeqytetit
Nisja e kampionatit në shtator prish planet e bardhebluve për fazën përgatitore
Nisja e kampionatit në javën e dytë të shtatorit duket se ia ka prishur planet Tiranës. Ekipi bardheblu do të nisë punën ditën e hënë, por, me sa është marrë vesh, nuk do të udhëtojë një javë pas stërvitjes së parë. Skuadra bardheblu për tri javë do të qëndrojë në kryeqytet. Ekipi do të kryejë testet mjekësore dhe më pas të gjitha analizat dhe normat e mundshme. Ndryshimi i kampionatit ka çoroditur Tiranën dhe planet e saj që duhet të shtyhen tri javë. Vetëm në fund të korrikut Tirana do të udhëtojë në Pogradec për fazën përgatitore.
FAZA
– Është menduar që faza përgatitore të kryhet në Pogradec. Nga ana tjetër, ajo do të bëhet në dy pjesë. Në fillim skuadra do të stërvitet për 14 ditë. Do të ketë disa ditë pushim dhe sërish 13 ditë të tjera. Gjithsej, fazë përgatitore 27 ditë. Pastaj, ekipi pas fazës do të
kthehet në Tiranë dhe do të presë nisjen e kampionatit.
– Gjatë këtyre 27 ditëve grumbullim Tirana ka planifikuar mbi 7 miqësore. Për momentin nuk ka emra kundërshtarësh, por në ditët në vazhdim do të ketë edhe zbulim të emrave me të cilët do të përballen
MIQËSORET
bardheblutë. Vetë trajneri Shehi e ka pranuar rrëmujën e fazës përgatitore. “Me kampionatin që nis pothuajse në mes të shtatorit, ky fakt nuk na favorizon. Europa na penalizon, sepse luhet shpejt dhe ne duhet të nisim më pas. Gjithsesi, aleati ynë është koha. Këtë të fundit e kemi
të mjaftueshme për t’u stërvitur. E nisim stërvitjen në datën 5 dhe deri më datë 22 duhet të ishim në grumbullim, por tani duhet të ndryshojmë diçka në program. Me këtë po merremi këto ditë. Po ndryshojmë gjithçka, nga miqësoret e me radhë, deri te grumbullimi”, mbylli ai. Tra
jneri i Tiranës që drejtoi bardheblutë për 20 javë, ia ka dalë të mbledhë më shumë pikë për ndeshje se çdo drejtues tjetër në Superiore. Në 20 takimet e tij në krye të 25 herë kampionëve, Shehi grumbulloi 38 pikë me një mesatare me 1.9 pikësh për ndeshje.