“Bomba” e verës, Vllaznia prezanton Latifin
Mesfushori firmosi kontratë 2-vjeçare, do të marrë 10 mijë euro në muaj
Ajo që u paralajmërua prej ditësh, u bë realitet në Shkodër. Vllaznia ka plasur për momentin "bombën" e parë në merkaton e verës në futbollin shqiptar duke prezantuar ish-mesfushorin kampion me Skënderbeun dhe të Kombëtares, Liridon Latifi. Një ditë më parë vetë lojtari pranoi se është
Ajo që u parala jmërua prej ditësh, u bë realitet në Shkodër. Vllaznia ka plasur për momentin “bombën” e parë në merkaton e verës në futbollin shqiptar duke prezantuar ish-mesfushorin kampion me Skënderbeun dhe të Kombëtares, Liridon Latifi. Një ditë më parë vetë lojtari pranoi se është shumë pranë skuadrës shkodrane. Lëvizje, e cila u finalizua me sukses. Ka qenë vetë klubi shkodran që dje ka bërë të ditur se ka arritur marrëveshjen me futbollistin Liridon Latifi, i cili ka firmosur kontratë dyvjeçare. Te Vllaznia shpresojmë që ai të tregojë vlerat e tij më të mira. Vlera e kontratës është e konsiderueshme, por nga sa mësohet drejtuesit e klubit nuk kanë kursyer në këtë drejtim duke bërë afrimin e duhur. Lajmi qarkullonte prej ditësh, por dje Latifi ka firmosur kontratën për dy sezone me kuqeblutë dhe do të përfitojë rreth 10 mijë euro në muaj. Njoftimi është bërë nga vetë klubi i Vllaznisë në rrjetet sociale. Ja postimi i Vllaznisë: “KF Vllaznia bën të ditur se pasditen e sotme (djeshme) ka arritur marrëveshjen me futbollistin Liridon Latifi. Me këtë futbollist është firmosur një kontratë dyvjeçare dhe shpresojmë që ai të tregojë vlerat e tij më të mira ashtu siç ka bërë edhe në skuadrat e tjera me të cilat
ka luajtur më përpara. Mirë se erdhe te Vllaznia Liridon!” Latifi u transferua nga Skënderbeu për mbi 900 mijë euro te Akademia Pushkash në Hungari pastaj u huazua te Sherif Tiraspoli në Moldavi, dhe u kthye më pas te ekipi hungarez por karriera i mori
në rënie. Mesfushori kosovar do të jetë pjesë e listës për ndeshjet me Shiroki Brijegun, por aktivizimi i tij, kryesisht në ndeshjen e parë që do të luhet më 8 korrik në Bosnjë, është në dorë të trajnerit Brdariç, që në ditët e mbetura do të vlerësojë gjendjen e 27-vjeçarit.