Punë “Sherifash”, Teuta merr Kallakun për Champions

Me ardhjen e 23-vjeçarit, ekipi i trajnerit Martini ka më shumë fantazi dhe konkurrencë

Ishte përfolur prej ko hësh si lëvizje, por vetëm dje është finalizuar me sukses. Sherif Kallaku rikthehet te Teuta pas shumë negociatash mes klubit durrsak dhe Lokomotivës së Zagrebit. “Panorama Sport” mësoi ekskluzivisht se mesfushori është huazuar te durrsakët deri në janar vitit 2022. Lajmin e konfirmoi më pas edhe klubi në faqen zyrtare. “Sherif Kallaku huazohet deri në janar te Teuta. Emri i pestë që i është bashkuar projektit europian të kampionëve të Shqipërisë është futbollisti Sherif Kallaku. Ai do t’i bashkohet ekipit në formë huazimi. Kallaku do të jetë një ndihmë e madhe në Kupat e Europës dhe në sezonin e ri. Drejtuesit e Teutës falënderojnë presidentin e NK Lokomotivës për bashkëpunimin dhe lejimin e futbollistit për t’u afruar me Teutën. Për Kallakun nuk është aventura e tij e parë me klubin durrsak, pasi ai u largua nga Teuta në verën e kaluar. Fantazisti ka lënë përshtypje shumë të mira në ekipin e Teutës, ku fitoi edhe Kupën e Shqipërisë. Ndaj drejtuesit e klubit durrsak kanë këmbëngulur që të vihet sërish nën urdhrat e trajnerit Edi Martini. Kallaku do t’i bashkohet skuadrës nesër (sot) në seancën e radhës stërvitore që do të zhvillohet në Durrës”, citon klubi

durrsak. Me afrimin e mesfushorit të Kombëtares, Teuta është kompletuar, kryesisht në fazën sulmuese ku konkurrenca është në shkallën maksimale. Kallaku është “dhjetëshi” që i mungoi ekipit në sezonin e fundit, kështu që me huazimin e 23-vjeçarit Teuta

pritet të ketë më shumë fantazi në fazën ofensive. Pas shitjes së Kallakut te klubi kroat, fillimisht stafi u mundua të adaptojë Dejvi Bregun, por vlonjati tregoi se rendimentin kur luan në krahët e sulmit dhe jo në qendër. Në dy sezonet që ka luajtur me

Teutën, Kallaku e ka treguar veten, ku në 65 ndeshje në Kategorinë Superiore ka shënuar 21 gola për “djemtë e detit”, ndërsa në arenën europiane Kallaku ka zhvilluar dy ndeshej me Teutën, ku ka shënuar gol e fitores në ndeshjen ndaj Ventspilis.