Përfitimet e Teutës në Kupat e Europës këtë verë
Teuta, si kampionia e Shqipërisë, rrugëtimin në Europë e nis nga turi i parë kualifikues në Champions. Sipas skenarit më të keq të mundshëm, Teuta ka të garantuar nga UEFA 990 mijë euro, ku 260 mijë i merr thjesht si pjesëmarrëse në Champions, shumë e cila humbet vetëm po shkove në fazë grupesh. Pastaj, 280 mijë i përfiton nga pjesëmarrja në turin e parë kualifikues të Champions-it dhe në rast se eliminohet, kalon në raundin e dytë të Konferencë Ligës, që i bie të përfitojë edhe 450 mijë euro të tjera. Ky është skenari më i disfavorshëm për durrsakët në ballafaqimin e tyre në Europë.
SHUMAT QË MUND TË PËRFITOJË TEUTA NË EUROPË Turi i parë në Champions
-260 mijë euro të garantuara për pjesëmarrjen në Champions.
-280 mijë euro të garantuara nga pjesëmarrja në turin e parë. kualifikues. Nëse eliminohet, kalon në turin e dytë kualifikues në Konferencë Ligë.
-450 mijë euro (100+350) të garantuara nga pjesëmarrja në turin e dytë kualifikues të Konferencë Ligës.
990 mijë euro.
Totali:
Turi i dytë në Champions
-380 mijë euro arkëtim nga pjesëmarrja në turin e dytë. Nëse eliminohen në këtë raund, durrsakët kalojnë në turin e tretë kualifikues të Konferencë Ligës.
-650 mijë euro (100+550) përfitojnë nga pjesëmarrja në turin e tretë të Konferencë Ligës.
1 milion e 570 mijë euro (Kjo shumë llogaritet 260 mijë + 280 mijë nga turi i parë në Champions. Plus shtohen 380 mijë euro nga pjesëmarrja në turin e dytë në Champions dhe 650 mijë euro nga pjesëmarrja në turin e tretë në Konferencë Ligë).