Xhokoviç kalon në gjysmëfinale, Federer ndien plakjen në Londër

Novak Xhokoviç kualifikohet për herë të 10-të në gjysmëfinalen e Uimbëlldonit, ndërsa Roxher Federer eliminohet në çerekfinale. Numri 1 në botë nuk zhgënjeu askënd, teksa mundi hungarezin Marton Fuksoviks në tri sete, asnjëherë deri tani në këtë Uimbëlldon. 6-3, 6-4, 6-4 ishin setet për serbin, në kërkim të titullit të gjashtë në Londër dhe Grand Slemit të 20-të, i cili do të vlente për garën me rivalët Federer dhe Nadal. Xhokoviç, tashmë fitues i Australian Open dhe Roland Garros, arriti suksesin e tij të 100-të në karrierë në fushat me bar. Në gjysmëfinale ai do të përballet me kanadezin Denis

Shapovalov, i dhjeti në botë, i cili mundi në pesë sete dhe pas tri orësh e gjysmë betejë rusin Karen Kashanov.

Midis “Noles” dhe “Shapos” ka gjashtë precedentë, të gjithë të fituara nga serbi.

FEDERER ELIMINOHET

NGA HURKAKZ

Dështon Roxher Federer, i cili në Grand Slemin e fundit, para moshës 40 vjeç, duhet t’i hapë rrugën polakut Hubert Hurkakz, i cili fitoi gjysmëfinalen e parë të karrierës në Uimbëlldon.

Zvicerani, 8 herë fitues në

Londër, u dorëzua në tri sete dhe në më pak se dy orë, duke humbur gjithashtu ndeshjen e parë të karrierës së tij në Uimbëlldon në setin e tretë. Nuk kishte ndodhur prej 19 vitesh.

PAS 61 VITESH

NJË ITALIAN

Në çerekfinalen e fundit të ditës së mërkurë, një Mateo Berretini i shkëlqyer mposhti kanadezin Auger-aliasime në katër sete: 6-3, 57, 7-5, 6-3 dhe fluturoi në gjysmëfinalen e turneut Uimbëlldon. Tenisti italian arriti kështu në gjysmëfinalen e dytë në një Grand Slem, pas atij të marrë në US Open në vitin 2019. Pavarësisht nga miqësia që i lidhte dy tenistët, ndeshja kishte vlerë shumë të lartë për t’u kapur nga sentimentalizmi. Për t’u shënuar se pas 61 vitesh një italian kualifikohet në gjysmëfinale të Uimbëlldonit. Berretini do të përballet për një vend në finale me Pol Hurkakz, që eliminoi Federerin. Në Uimbëlldon sot luhen dy gjysmëfinalet e femrave.