Perez: Murinjo ndau Ozilin nga e dashura, Figo një bir k...
“I tha se e ka pasur gjithë Interi dhe Milani”
Mesut Ozil është “viktima” e radhës e përgjimeve të Florentino Perezit, të cilat po publikohen ditaditës nga gazeta “Elconfidencial”. Numri një i klubit tregon për raportin që ai ka pasur me një modele italiane dhe udhëtimet që bënte shpesh nga Madridi drejt Milanos për ta takuar.
OZIL - Perez thotë se ishte Zhoze Murinjo që e ndihmoi të shkëputej nga ajo, pasi nuk ishte e duhura për të. “Ozil erdhi te Reali i Madridit me një të dashur apo të fejuar 21vjeçare. Ishte nga ato të gjeneratave të treta të turqve. Pastaj djaloshi zbuloi Madridin dhe jetën dhe u nda nga ajo. E nisi për në Turqi dhe filloi të eksploronte. U dashurua me një modele italiane në Milano. Ai merrte avionin privat një herë në dy ditë, shkonte aty, e takonte dhe kënaqej me të pastaj rikthehej sërish”, dëgjohet në bisedën e vjedhur. Pastaj presidenti Perez tregon edhe një episod mes Murinjos dhe lojtarit turk. “Një ditë Mou e takon veçmas Ozilin, të cilin e donte si njeri dhe i thotë: ‘Dëgjo Mesut, o kungull. Do të më lejosh që të them diçka sikur të isha yt atë?’ I shkreti djalosh iu përgjigj: ‘Sigurisht trajner, sigurisht’. Shiko, ajo zonjusha me të cilën ti po del gjatë kësaj kohe ka dalë fillimisht me të gjithë lojtarët e Interit dhe të Milanit, përfshirë këtu edhe stafet teknike të të dyja skuadrave. Në atë moment Ozil u nda. Murinjo është një i çmendur. Imagjinoni çfarë batutash bën edhe në këtë histori”, thotë Perez duke qeshur.
GUTI - Nuk ka shpëtuar pa u përmendur edhe një tjetër legjendë e skuadrës madrilene Guti. Për të thonë se ai është i keqi i vetes. “Nuk e shoh normal atë njeri. Është armiku i vetes”, dëgjohet të thotë Perez. Janë zbuluar gjithashtu edhe ofendime të tjera drejt disa lojtarëve të rëndësishëm. “Figo është një gjarpër në dhomën e zhveshjes. Më i miri ka qenë Zidan, pa asnjë dyshim. Figo ishte një bir k..., ashtu si edhe Rauli. Më të këqijtë kanë qenë Raul dhe Figo”, dëgjohet në përgjim.