Lacio fiton derbin, Mou shfryn: Hysajt iu fal një penallti
Trajneri verdhekuq: Arbitri dhe VAR-I prishën sfidën
Lacio del nga një situ atë krize, me dy bara zime dhe një humbje në tri ndeshjet e fundit duke fituar një derbi spektakolar. Mauricio Sarri fiton derbin e tij të parë të kryeqytetit përballë Zhoze Murinjos, ndonëse në fund ishte e pamundur që të kishte polemika. Në “Olimpiko” bëjnë festë Elseid Hysaj, gjithmonë e më shumë titullar i padiskutueshëm në korsinë e majtë për Lacion, dhe Tomas Strakosha nga stoli. Takimi i përfunduar 3-2 kishte gjithçka, ndonëse pas 19 minutash lojë u duk sikur gjithçka ishte mbyllur. Në të 10-ën Milinkoviçsaviç shënon me kokë, por përplaset me portierin Patrisio dhe humb për pak sekonda ndjenjat në fushë, ndërsa 9 minuta më vonë ishte ish-i Pedro që bën 2-0 për Lacion, pas një kundërsulmi që nisi me polemika. Kjo, pasi në zonën e Lacios, Hysaj shtriu në zonë Zaniolon, duke lënë shumë dyshime për penallti, por kundërreagimi i të kaltërve ishte perfekt. Gjithsesi, në të 41-ën Ibanjez rihapi ndeshjen. Në pjesën e dytë, situata nuk ndryshon, pasi Lacio me kundërsulmin e saj është perfekte, duke dërguar shifrat
në 3-1 me Felipe Anderson, por kalojnë vetëm 6 minuta dhe rezultati ngushtohet sërish në 32. Nga pika e bardhë për Romën nuk gabon Veretu, edhe pse penalltia u duk më shumë një kompensim i arbitrit, sesa një faull për limitet e një 11-metërshi, ndonëse ky rezultat nuk do të
ndryshojë deri në vërshëllimën finale.
SHPËRTHEN MURINJO – Pas ndeshjes, shumë i revoltuar ishte trajneri i Romës, i cili vë përpara përgjegjësisë arbitrin kryesor dhe dyshen e VAR-IT, për një gjykim të gabuar totalisht. “U riktheva në Itali pas shumë vitesh dhe mund ta them me bindje se futbolli italian është përmirësuar në mënyrë mahnitëse. Ky derbi ishte një ndeshje spektakolare, e dominuar totalisht nga ne, por nuk mund të mos e pranoj që arbitri dhe VAR-I e shkatërruan totalisht. Kjo është e tepërt për t’u pranuar, pasi mungon qartazi penalltia e Hysajt, pas faullit kundër Zaniolos në zonë, por edhe kartoni i dytë për Leivan, i cili do të linte Lacion me 10 vetë. Më vjen keq për lojtarët e mi, pasi nuk e meritonin të humbnin, aq më shumë për faj të arbitrave”, tha “Special One”.