Skuadra kontrollon topin, por mbrojtja ka filluar të fusë ujë
Tetë gola të pësuar, trajneri duhet ta rindërtojë murin
Interi i Inzagit nuk ka akoma një identitet të mirëpërcaktuar. Midis një dominimi në gjysmëfushën kundërshtare dhe një pasigurie në pjesën e tij të fushës, zikaltrit janë ende pa qëndrueshmëri, me probleme për të zgjidhur. Ekuilibri midis forcës sulmuese dhe soliditetit në mbrojtje nuk është gjetur akoma dhe pikët e lëna rrugës shpjegohen vetëm në këtë mënyrë. Në qoftë se zikaltrit do t’i sistemojnë ato mangësi që kanë do të bëhen një armatë e vështirë për t’u ndalur, por nëse do të vazhdojnë të pësojnë në rastet më të vogla rrezikojnë të humbasin terren dhe të vuajnë në të ardhmen pikët e lëna rrugës. Gjithsesi, mbrojtja ka qenë gjithmonë një nga pikat më të forta të Interit dhe kur nuk ka ndryshuar asnjë prej protagonistëve, ajo që ngelet është një përpunim i lëndës së parë, për ta rikthyer repartin defensiv në ditët e tij më të mira. MURI MBROJTËS – Ajo që nuk po ndryshon te zikaltrit është treshja e qendërmbrojtësve:
Shkriniar-de Vraj-bastoni janë të pandashëm dhe të pandalshëm. Por edhe ata kanë të drejtë të pushojnë dhe minutat duket se kanë ndikuar disi në paraqitjet e tyre të fundit. Shkriniari ka luajtur 900 minuta, të 10-ta ndeshjes mes Sllovakisë e Interit. Edhe De Vraji ka vetëm 23 minuta në ndeshjen kundër
Bolonjës më pak se shoku i tij i repartit. Më shumë se shfaqjet individuale të mbrojtësve, ai që ndikon është qëndrimi i gjithë ekipit. Interi i Inzagit po kërkon të ketë në zotërim topin dhe ndërmerr edhe aksione personale pavarësisht kundërshtarit. Në periudhën e Kontes, zikaltrit fshiheshin në zonën e tyre duke pritur edhe pse përpara kishin një gjigand si Lukaku dhe një shigjetë si Hakimi që mund të shembnin çdo pengesë pa kërkuar spostimin e të gjithë ekipit para. Tani goli po kërkohet me anë të manovrave të ndryshme duke u përfshirë të gjithë në sulm dhe rezultatet kanë qenë fantastike: 20 gola për afërsisht një muaj, por ajo që shqetësojnë janë 8 golat e pësuar. Vitin e kaluar 1-0 në shtëpinë e Atalantës erdhi me një zotërim topi prej 44% dhe një bariqendër shumë të ulët të vendosur në 44.8 metra, ndërsa kontrolli i topit në barazimin e së shtunës ishte 50% me bariqendrën e ngritur në 51 metra. Me pak fjalë, Inzagi po mundohet ta modifikojë gjenetikisht Interin dhe për ta arritur duhet të heqë qafe çdo pasiguri. Për këtë arsye, tashmë me Shahtjorin, Simone dëshiron ta rinisë ndërtimin: muri i vjetër mbrojtës duhet të ndërtohet dhe tulla e parë duhet vendosur ndaj ukrainasve.