Pioli: Skuadër fantastike, për titullin duhet...

“Kesi nuk preket, Rebiç e Leao meritojnë falënderime”

Nëntëmbëdhjetë pikë si në sezonin e titullit të parafundit (2003-‘04) dhe ecuria më e mirë pas shtatë javësh. Është kjo statistika e momentit për Milanin që dje mposhti Atalantën në një transfertë tepër të vështirë. Konfirmimet erdhën nga trajneri Pioli në konferencën për shtyp pas suksesit të të tijve.

Komenti juaj për përballjen?

Bëmë një ndeshje të madhe dhe në një fushë të tillë fitorja bëhet më e rëndësishme. Aq më tepër që vinim nga një periudhë e ngarkuar. Po rritemi vërtet, por duhet të vazhdojmë me këtë ritëm.

Nuk zhgënjeu skuadra, por as individët të cilëve u besuat ....

U kërkova djemve një sforco të fundit. Leaos e Diazit mund t’u kërkosh çdo gjë. E kanë të lehtë të vrapojnë përpara, por nuk kursehen kur duhet mbrojtur. Janë të gjithë djem me cilësi dhe më vjen mirë për paraqitjen e dhuruara. Leao e Rebiçi meritojnë një falënderim të veçantë sepse po na ndihmojnë tej mase.

A është cilësia e lojës karakteristika

më e rëndësishme deri tani?

Kemi rreth dy vjet që po luajmë në një mënyrë të caktuar duke marrë rezultate pozitive. Sidoqoftë, duhet të jemi të përulur. I njohim rivalët e i ndërtojmë ndeshjet në mënyrë më të përshtatshme për cilësitë

tona. Janë lojtarë që mësojnë menjëherë. Gabimet ndaj Liverpulit nuk i përsëritëm me Atalantën, ky mendoj se ishte çelësi i suksesit.

Po Kesin si do ta vlerësonit? Për cilësinë dhe paraqitjet e tij nuk kam pasur kurrë dyshime. E shoh të fokusuar te

puna në grup, ndaj për fizikun që ka mbase i nevojitet më tepër kohë për të gjetur formën. Luajti një ndeshje të madhe e më kujtoi Kesin e sezonit të kaluar.

Tonali përmend titullin. Ju si mendoni?

Që duhet të shfrytëzojë entuziazmin. Sivjet po rritemi të gjithë e ndihem i mbrojtur nga klubi, por kemi konkurrencë. Napoli është para nesh, Juvja po rikthehet, kurse Interi mbetet një rival tepër i rrezikshëm. Më duket e drejtë që lojtarët e mi të mendojnë se janë më të mirë se të tjerët, por me kusht që më pas ta vërtetojnë në fushë.