Barça zhytet edhe më në krizë, por Laporta konfirmon Kumanin

Holandezi: Kam biseduar me presidentin dhe jemi sqaruar

Nuk ka dritë në fund të tunelit për Barcelonën. Pas humbjes në mesjavë me Benfikën në Champions (03), të shtunën ka ardhur edhe humbja e parë në kampionatin spanjoll, kur katalanasit janë mundur nga Atletiko e Madridit 0-2. As lëvizjet e trajnerit Kuman nuk kanë bërë asnjë efekt. Nga mbrojtja me 3 kundër Benfikës, në atë me 4 ndaj Atletikos, në fund asgjë nuk ka bërë punë. Mbrojtja e Barcelonës është kthyer si një shportë pa fund, teksa golat pësohen në mënyrë fëmijërore. Edhe ndaj Atletikos së Madridit ka ndodhur e njëjta tablo. Çdo gabim në mbrojtje është ndëshkuar. Mjafton të përmendet fakti se në pjesën e parë gjuajtjet në portë ishin 2-0, që përkojnë me dy golat e Atletikos. Këtu mbyllet gjithçka, sepse në pjesën e dytë nuk ndodh asgjë për ta ndryshuar fatin e takimit. Dy “ekzekutuesit” e Barcelonës kanë qenë Tomas Lemar dhe Luis Suarez. Në golin e parë (23’) ka qenë uruguaiani që ka servirur për francezin, ndërsa në të dytin (44’) ka qenë francezi që i ka kthyer

reston “kanibalit”.

Por… “bomba” e ditës në Spanjë ka qenë një tjetër. Të mësuar me krizën e rezultateve e të lojës së Barçës, humbja ndaj Atletikos nuk ka pasur asgjë të jashtëzakonshme. Ajo që ka qenë e jashtëzakonshme ka qenë kthesa e papritur e presidentit Joan Laporta,

i cili pak orë para ndeshjes në “Metropolitano” ka konfirmuar në detyrë teknikun holandez. “Kam folur me Kumanin, më ka konfirmuar se me kthimin e të dëmtuarave situata do të ndryshojë dhe mendoj se e meriton votëbesimin!”, ka thënë Laporta. Ndërkaq, Kumani pas ndeshjes

ka thënë: “Jam i trishtuar për rezultatin, sepse kishim mundësi shënimi. Konfirmimi? Kam folur me presidentin, i kam sqaruar situatën dhe jemi mirëkuptuar. Rëndësi ka të punojmë të qetë. Tani pas pushimit e nisim me tri ndeshje brenda që duhet t’i fitojmë”, ka thënë Kuman.