NOTAT E GJERMANISË
TER SHTEGEN 7 - Ishte pa faj në golin e pësuar, më pas nuk kishte fare punë duke ndenjur spektator. Një zëvendësues i denjë i Nojerit.
HOFMAN 6.5 - Pati vështirësi në fillimin e lojës, por më pas nisi të futej në ritëm. Në përgjithësi bëri një paraqitje të mirë duke treguar se mund të luajë në nivele të tilla.
ZYLE 7.5 - Pati pak punë dhe pse ato pak që kishte i bëri në mënyrën e duhur. Ka nisur të ketë vetëbesim dhe kjo vjen nga paraqitjet e mira me Bajernin, po shndërrohet në një lider.
RYDIGER 6 - Në golin e miqve kishte jo pak faj duke parë t'i kalonte topi poshtë këmbëve. Më pas tregoi stabilitet edhe pse kishte pak punë për të bërë.
KEHLER 5.5 - Humbi dyluftimin vendimtar në momentin e golit duke treguar se nuk është ende në nivelin e kërkuar. Pati fat që nuk u ndëshkua me të kuq në të 88'.
KIMISH 8 - Një luan në qendër të mesit të fushës duke bërë që të gjithë topat të kalonin nga ai. Tregoi personalitet edhe pse rezultati ishte 1-0 për kundërshtarin, nuk humbi asnjëherë qetësinë dhe në fund skuadra u shpërblye me dy gola.
GORECKA 8 - Dinamik, vrapon pa fund dhe shumë aktiv në zonën kundërshtare. Në fund shërbeu për Mylerin i cili shënoi edhe golin e dytë për skuadrën e Gjermanisë.
GNABRI 7.5 - Bëri një ndeshje të mirë dhe pse shumë herë gaboi para portës, por goli i barazimit hodhi poshtë çdo dyshim, një goditje prej kampioni.
ROJS 7.5 - I përfshirë në shumë aksione premtuese duke ndihmuar skuadrën të luante në zona të ngushta. Përgatiti golin e barazimit duke çorientuar kundërshtarin i cili priste një goditje në portë.
SANE 7 - Që nga fillimi ishte shumë i motivuar duke bërë që skuadra të rrezikonte jo pak nga krahët. Shpërdoroi një rast të pastër në pjesën e parë, por kjo nuk ja zbeh meritat për atë çfarë dha në fushën e lojës.
VERNER 6 - Gaboi shumë para portës çka do t'i kushtonte shumë skuadrës në rast se rezultati nuk do të ndryshonte. Duhet të jetë më i qetë në zonë. Myler nga minuta 68, 8 - Heroi i një ndeshjeje spektakolare. Gjithmonë, edhe njëherë tjetër ishte deciziv për skuadrën Flik e cila tregoi se ka lojtarë të mëdhenj edhe në stol.