Shqipëria rrezikon shumë, FIFA: Dënojmë me forcë...

Reagim zyrtar i institucionit më të lartë

Ndërprerja e ndeshjes Shqipëri-poloni në minutën e 77-të prej sendeve të hedhura në fushë nga tifozët ka detyruar FIFA-N të dalë me një komunikatë zyrtare lidhur me incidentin në "Air Albania", por gjithashtu edhe për dhunën nga ultrasit në sfidën Angli-hungari. FIFA e ka dënuar ashpër atë që ndodhi në Tiranë, duke u shprehur se materialet janë tashmë në verifikim dhe nuk do të ketë tolerancë për episodin e ndodhur. "FIFA aktualisht po analizon raportet e dërguara mbi sfidat eliminatore të Botërorit, në mënyrë që të marrë vendimin më të përshtatshëm. FIFA dënon me forcë incidentet në sfidat Angli-hungari dhe Shqipëri-poloni dhe do të donte të deklaronte se ky qëndrim është i vendosur në refuzimin e çdo forme të dhunës, si dhe çdo lloj diskriminimi ose abuzimi. FIFA ka një qëndrim shumë të qartë, zero tolerancë ndaj sjelljeve të tilla të neveritshme në futboll", shkruhet ndër të tjera në raportin e FIFA-S. Ndërkohë, pjesë e hetimit është bërë edhe Hungaria, pasi tifozët u përleshën masivisht me policinë në sfidën me Anglinë duke krijuar trazira në stadium.

NDËSHKIMI

Komisioni i Disiplinës në FIFA do të marrë një vendim për ndeshjen Shqipëri-hungari në ditët e ardhshme. Por çfarë dënimi e pret FSHF-NË. Së pari, pritet të jetë një dënim financiar me një gjobë që i kalon 200 mijë eurot, ndërsa fusha do të pezullohet me një ose dy ndeshje pa pjesëmarrjen e publikut. Pra, me siguri ndeshja e fundit në grup në shtëpi ndaj Andorrës do të luhet pa tifozë. Të gjitha këto konfirmohen në nenin 67, ku përshkruhet sjellja e pahijshme e tifozëve, që përfshin dhunën, mjetet piroteknike, hedhjen e sendeve të forta në fushën e lojës, etj. Në të tilla ngjarje vlerësohet shkalla e rëndësisë së incidentit dhe më pas merret një vendim në bazë të nenit 25 apo 26, ku saktësohen ndeshjet pa tifozë.