Duka: E turpshme ajo që ndodhi, jemi të gjithë... fajtorë
“Është mëkat të njollosemi nga disa individë”
Kreu i qeverisë së fu tbollit shqiptar, Ar mand Duka, ka folur në lidhje me incidentin me tifozët në ndeshjen ndaj Polonisë, teksa bëri me dije se së shpejti FSHF-JA do të organizojë një aktivitet tjetër me UEFA-N për sigurinë e stadiumeve, për një organizim më të mirë të ndeshjeve të futbollit dhe për të minimizuar sa më shumë incidentet me tifozët. Gjithashtu ai prezantuar programin e "Certifikimit të Menaxhimit në Futboll" në bashkëpunim me Akademinë e UEFA-S dhe Universitetin e Lozanës. Bëhet fjalë për një program të domosdoshëm për këdo që punon në një organizatë futbollistike e që dëshiron të rrisë nivelin e menaxhimit dhe performancës. Pjesë e seminarit kanë qenë edhe drejtues të klubeve të Superiores si Drejtori i Partizanit, Olsi Rama apo Matko Djarmati i Vllaznisë.
INCIDENTI ME TIFOZËT
Ndërsa, sa i përket incidentit në ndeshjen me Poloninë, Duka u shpreh:
"Pas pak ditëve ne do të kemi një tjetër aktivitet për sigurinë e stadiumeve. Një aktivitet i planifikuar më parë, por që në fakt me ngjarjet e fundit në stadium bëhet edhe më emergjent, për mënyrën se si ne duhet të organizohemi më mirë, se si të gjithë faktorët dhe aktorët duhet të bëjnë më mirë organizimin e një ndeshje. Ekspertë të fushës nga UEFA do të jenë në Tiranë bashkë me ekspertët tanë në ndeshjet e kampionatit shqiptar dhe sidomos në ndeshjet derbi ku do të ketë më shumë prani tifozësh për të minimizuar apo eliminuar ngjarje si ajo e mbrëmshmja. Ngjarje me të
vërtetë e turpshme, që nuk na nderon, njollos futbollin, por që të gjithë ne duhet të ndjejmë përgjegjësi, të nxjerrim mësime dhe të përmirësohemi për të ardhmen dhe jo të drejtojmë gishtin nga njëritjetri, pasi të gjithë ne jemi fajtorë, që nga ne si organizatorë, ata që duhet të na ndihmojnë apo tifozët në shkallët e stadiumit. Është vërtetë mëkat kur 22.000 tifozë në stadium krijuan një atmosferë shumë të mirë, por nga disa individë të njollosemi apo të penalizohemi".
"Edicioni i programit të 'Certifikimit të Menaxhimit në Futboll' është shumë i rëndësishëm dhe unë për këtë do të doja të falënderoja Akademinë e UEFA-S, që ia besoi FSHF-SË organizimin e këtij edicioni për herë të parë në Shqipëri. Ky trajnim vlen shumë për përmirësimin tuaj, për rritjen tuaj profesionale, por është shumë e rëndësishme edhe për vetë Federatën, sepse është një eksperiencë që rrit aftësitë organizative të organizatës së FSHF-SË që së fundmi ka zhvilluar disa aktivitete të përmasave internacionale. Programi synon të zhvillojë njohuritë teorike dhe praktike të një menaxheri, të rrisë performancën e një drejtuesi të lartë dhe ta afrojë atë me praktikat më të mira të futbollit europian. Pjesëmarrësit marrin leksione nga pedagogë nga universitete të rëndësishme evropiane, si edhe menaxherë të mëdhenj të botës së futbollit e drejtues të UEFA-S", tha Presidenti Duka.
PËRMIRËSIMI I KLUBEVE Gjithashtu, Presidenti i FSHF-SË theksoi se kursi i "Certifikimit të Menaxhimit në Futboll" është mjaft i vlefshëm për pjesëmarrësit në drejtim të përmirësimit të aftësive profesionale dhe për të përmirësuar menaxhimin e klubeve të futbollit apo të organizatave respektive.
"Për t'u kthyer tek aktiviteti, këtë kurs ju ftoj mos ta shihni thjesht si një shans për të marrë një certifikatë, sepse nuk besoj se ka vlerë, por si një mundësi për t'u përmirësuar në aftësitë tuaja profesionale në planin personal dhe për të përmirësuar menaxhimin e klubeve të futbollit apo të organizatave respektive nga të cilat ju vini, jo vetëm nga klubet, Federata apo edhe nga institucione të tjera. Ta shfrytëzoni këtë për të ndihmuar veten dhe klubet. Ne e dimë shumë mirë që futbolli është një lojë që shfaqet me 11 veta në fushë, por pa një menaxhim të mirë, pa klube të strukturuara me menaxherë të të gjitha niveleve është e pamundur që të zhvillohet dhe të bëjë hapa përpara", tha ndër të tjera Presidenti Duka.