Bajerni, “tre muskëtierë” për të mundur Leverkusenin
ava e tetë do të rezervojë për të gjithë ndjekësit e Bundesligës një ndeshje të veçantë, Leverkusen-bajern. Vendi i parë kundër atij të dytë. Një duel që nuk duhet kurrsesi të humbet nga askush.
Bajerni, si skuadra kampione në fuqi, përveçse do të vijë në këtë sfidë si kryesues, ka edhe shumë arsye të tjera pse duhet të fitojë ndaj "Aspirinave". "Bundesliga.de" tregon se pse skuadra e Nagelsmanit është favorite në supersfidën e së dielës.
MANUEL NOJER
- Portieri i kombëtares gjermane vazhdon të jetë numri një në botë. Në javën e tretë të Bundesligës, Nojer hyri në librat e historisë pasi në 441 ndeshje në kampionatin gjerman, mbajti portën të paprekur për të 205-ën herë. Ky rekord mbahej nga ish-portieri i Bajernit, Oliver Kahn. Statistikat në sezonin e ri flasin për portierin bavarez i cili ka pritur 72% të goditjeve në portën e tij. Edhe ndaj Leverkusenit ai pritet të jetë një nga armët më të forta të kampionëve në fuqi.
- Nisi aventurën e tij te Bajerni si një lojtar premtues dhe tani është kthyer në një lider të vërtetë. Gabon pak dhe ruan gjithmonë një rendiment. Bie pak në sy, por për skuadrën është i pazëvendësueshëm. Sezoni i ri nuk mund të niste më mirë për mesfushorin gjerman i cili ka shënuar tre gola dhe ka dhënë tri asiste. Vetëm Robert Levandovski është i përfshirë më shumë me golat e tij në skuadrën bavareze. Me ardhjen e Nagelsmanit, Kimish është duke qëndruar më pranë zonës, trajneri ia di aftësitë për të shënuar dhe për të dhënë pasin e fundit. Të dielën kundërshtari duhet të mos mendojë vetëm për mbulimin e Levandovskit, por edhe atë të Kimishit.
- Kur flet për sukses, nuk mund të mos na shkojë mendja te sulmuesi i Bajernit, Robert Levandovski. Polaku është pa dyshim lojtari më i rëndësishëm për kampionët. Golat e shumtë kanë sjellë trofe të shumtë si për klubin ashtu dhe për lojtarin që tani me të drejtë është një nga favoritët për të fituar "Topin e Artë". Me shtatë gola në shtatë javë, Leva kryeson tabelën e golashënuesve së bashku me Erling Halandin.
JOSHUA KIMISH ROBERT LEVANDOVSKI