NOTAT E BAJERNIT
NOJER 6.5 – Në pjesën e dytë bëri një pritje spektakolare ndaj Demirbait, i pafaj në golin e Shikut.
ZYLE 6.5 – Mbrojtësi gjerman ishte në lartësinë e duhur duke mos vuajtur aspak ndaj Leverkusenit.
UPAMEKANO 6.5 – Qendërmbrojtësi bëri një ndeshje perfekte. Nuk lejoi kundërshtarin të fitonte terren në asnjë moment duke treguar një forcë të madhe dhe një rendiment perfekt.
HERNANDEZ 6 – Nuk e humbi përqendrimin edhe pse çështja e gjykatës e ka shqetësuar jo pak. Një sinjal pozitiv nga kampioni i botës. DEJVIS 6.5 – Luan me më pak vrull se herët e fundit, por gjithmonë bëhet i rrezikshëm për kundërshtarin. Kontribuoi edhe me një asist. KIMISH 7.5 – Mesfushori ishte vendimtar në goditjet e dënimit. Goli i parë dhe i tretë erdhën nga këmbët e tij. I qetë në menaxhimin e situatave. GORECKA 7 – Mesfushori i dytë luan po aq mirë sa i pari. Teknikë dhe muskuj, Gorecka ka çfarë t’i tregojë kundërshtarëve. Është kthyer në një lojtar të pazëvendësueshëm.
GNABRI 8 – Shënon dy gola dhe mbyll gjithçka në 37 minuta. Një ditë perfekte për anësorin e djathtë. Zbavitet kur ka topin në këmbë dhe kjo i shërben edhe skuadrës.
MYLER 7 – Mesfushori sulmues i Nagelsmanit është gjithmonë aty kur duhet. Edhe ai nuk mungoi në festivalin e golave për skuadrën e tij. KOMAN NGA 65’ 6.5 – Francezi u duk i freskët, i shkoi afër golit vetëm pak minuta pasi kishte hyrë në fushën e lojës.
SANE 6.5 – Vetëm ai nuk shënoi edhe pse do të kishte qenë më se e merituar për të. Iu afrua golit në disa momente, por vetëm kaq.
LEVANDOVSKI 7.5 – Ai është një makineri golash i cili konfirmohet edhe një herë tjetër. Goli i parë ishte një vepër arti, i dyti erdhi nga instinkti. NAGELSMAN 7 – Trajneri motivon në maksimum lojtarët e tij të cilët janë një uragan i vërtetë kur janë në formën më të mirë. Skuadra luan bukur, është e fortë dhe e pamëshirshme. Tani mund të fokusohet i qetë te Champions-i.