13 fitore radhazi në derbi, Partizani makth për Tiranën
Liga Unike e basketbollit të femrave ka hapur dje sfidat e javës së pestë. Partizanit i është dashur të ketë përballë “prenë” e preferuar të këtyre viteve të fundit, për të marrë suksesin e parë në eventin mbarëkombëtar. Të kuqet e Ledina Koçit i shkatërruan vajzat bardheblu me rezultatin e thellë 91-66 (21-11, 18-18, 22-25, 3012). Një ndeshje e dominuar nga Partizani në çdo aspekt, që në takim kishte në dispozicion edhe kapitenen Ornela Lalaj, e rikthyer pas dëmtimit. Vendimtare për fatet e takimit ishin perioda e parë dhe e fundit, të cilat Partizani i fitoi respektivisht me 10 dhe 18 pikë diferencë. Duke kaluar te paraqitjet individuale, pa diskutim lojtarja më e mirë e ndeshjes ishte Aida Palko, e cila bëri një paraqitje të jashtëzakonshme duke regjistruar 40 pikë, 22 kërcime dhe 7 asistime. Te Tirana më rezultativja ishte Enisa Qosja me 28 pikë. Për t’u theksuar është fakti që kemi të bëjmë me fitoren e 13 radhazi në derbi për Partizanin, duke përfshirë këtu takimet në Kampionat, Kupë, Kupën e FSHB-SË dhe tashmë në Ligën Unike. Megjithatë, përtej dominimit absolut të Partizanit, paradoksi është se në Kombëtare pjesa dërrmuese e lojtareve grumbullohen nga ekipi i Tiranës, që vazhdon të koleksionojë disfata të njëpasnjëshme në derbi.
A.DUSHKU
(21-11, 18-18, 22-25, 30-12)
PARTIZANI: Baraj (21), Lalaj (11), Fekollari (13), Palko (40), Hasani (4)/ Avdiaj, Jahollari, Spahiu. Trajnere: Ledina Koçi.
TIRANA: Toska, Lugaj (10), Kolombi (8), Verri (17), Qosja (28)/ Mala (3).
Trajnere: Mirza Alibegaj.
GJYQTARË: F. Malevi, O. Kasmi, A. Balliu (Tiranë)
KOMISIONER: Artan Terihati (Tiranë)
E HËNË, 20 DHJETOR
PARTIZANI – TIRANA
E MARTË, 21 DHJETOR
FLAMURTARI–PRISHTINA
E MËRKURË, 22 DHJETOR
PENZA – BASHKIMI SKUADRA JAVA E PESTË
1.PENZA 2.PRISHTINA 3.FLAMURTARI 4.BASHKIMI 5.PARTIZANI 6.TIRANA
F H
4 3 3 2 1 0 0 1 1 2 4 5
PIKË
8 7 7 6 6 5
91-66 17:00 17:00 +/
+73 +76 +39 +46 -113 -121