PSG pa një identitet të qartë, 111 formacione të ndryshme në 2 vite
Nga Tuhel te Poçetino, kurrë nuk startoi i njëjti ekip
Njëqindenjëmbëdhjetë herë PSG! Në më shumë se dy vite, klubi francez nuk ka hedhur kurrë në fushë të njëjtën skuadër dhe ndoshta identifikohet ky si problemi kronik i identitetit të klubit të emirit të Katarit, që gjithsesi dominon në Francë, kryeson +11 pikë, është kualifikuar në 1/8at e Kupës së Francës dhe në ato të Ligës së Kampioneve, ku do të përballet me Realin. Por, deri tani, trajneri Poçetino nuk ka arritur kurrë që të gjejë stilin e lojës së përshtatshëm në një skuadër plot ego dhe kampionë.
Prej javësh, mediat franceze shtyjnë teknikun
IDETË–
argjentinas drejt largimit, ndërsa Poçetino gjatë një interviste për “L’equipe” pranoi: “Nuk jam këtu për të aplikuar idetë e mia, por ato të klubit”. Ai është përballë problemit të gjetjes së recetës për të bashkëjetuar në një skuadër Mesi, Nejmar dhe Mbape, lojtarë si Di Maria, Ikardi, Vajnaldum, Verrati dhe një
mes Paradesit, Guejesë, Herrerës ose Pereirës. Pa harruar duelin e portës, Donaruma-navas, po në perspektivë me integrimin e Serxho Ramosit, shtohen edhe dilemat në qendër të mbrojtjes mes kapitenit Markinjos dhe Kimpembes.
Një problem i një skuadre të pasur, por seria e 111
STILI–
formacioneve të ndryshme përfshin edhe vitin kur në stol ishte Tomas Tuhel, i cili nisi të ndryshonte sistemin e lojës sistematikisht në fund të dhjetorit 2019. Por prej atëherë, PSG-JA nuk ka zbritur kurrë në fushë me të njëjtët lojtarë. Me gjermanin në stol, skuadra kryeqytetase nuk gjeti një identitet të qartë loje. Pas disa ndryshimeve taktike, tekniku aktual i Çelsit e vuri theksin te loja ofensive, duke lënë pak pas dore atë mbrojtëse. Ndërsa Poçetino, i cili mori drejtimin e stolit pak më shumë se një vit më parë, fillimisht preferoi të konsolidonte prapavijën dhe pastaj të ndërtonte.