Ribaj: Flamurtari, për nivel tjetër
Sulmuesi flet për Kupën dhe sqaron pse bëri zv.trajnerin në miqësoren me Albpetrolin
Flamurtari është një ekip për kategori tjetër”. Andi Ribaj mendon se skuadra do ta sigurojë objektivin. Për “Panorama Sport”, kapiteni flet për ecurinë e ekipit, por edhe merkaton, teksa thotë se ka vend për ndonjë element cilësor. Duke vlerësuar mbështetjen e administratorit Idrizi dhe vlerësimin me premio, Ribaj thekson se Flamurtari nuk do të shënojë tri, por shumë fitore radhazi në fazën e dytë. Ai zbulon edhe ambicien e tij që në të ardhmen të bëhet trajner futbolli dhe sqaron praninë e tij përkrahë Resulit para ndeshjes miqësore me Albpetrolin.
Ribaj, si po ecën faza përgatitore dimërore?
Faza përgatitore po shkon shumë mirë. Po punojmë fort që të përballojmë fazën e dytë. Ekipi reagoi shumë mirë edhe në miqësoren me Albpetrolin. Flamurtari është në një situatë shumë të mirë. Jemi të përqendruar për të bërë më të mirën për arritjen e objektivave.
A ka nevojë skuadra për
Andi Ribaj, 32 vjeç, gjatë miqësores me Albpetrolin
përforcime?
Në fakt, ne grupin e lojtarëve e kemi. Janë djem të mirë dhe me shumë eksperiencë. Normalisht për ndonjë lojtar ka nevojë, por këto gjëra më mirë i di stafi teknik.
Mendoni se do ta siguroni shpejt ngjitjen në Kategorinë
e Parë?
Jemi ndërtuar për të shkuar larg me këtë ekip. Nisur nga objektivi që kemi, do t’i marrim ndeshjet një e nga një, që t’i mbyllim sa më shpejt.
Si ju është dukur kategoria ku bëni pjesë?
Është një kategori e fortë deri diku, por Flamurtari është ekip për kategori tjetër. Jemi aksidentalisht në Kategorinë e Dytë, por do të ngrihemi më të fortë.
Do ta nisni me një ndeshje me Vllazninë për Kupë. E synoni këtë trofe?
Një ndeshje shumë e fortë përballë një prej ekipeve më të mira në Shqipëri. Ne do të luajmë në fushë, pastaj pjesa e rezultatit është një gjë që do të shikohet pas ndeshjes.
Administratori Idrizi është shprehur se ka lojtarë më cilësorë se Vllaznia. Si ndiheni
për këtë vlerësim?
E falënderojmë presidentin për këtë vlerësim që na ka bërë.
Jeni gati për 3 fitore radhazi në kampionat për premion e premtuar?
Nuk diskutohet kjo gjë. Jo tri, por shumë fitore radhazi do të marrim.
Para ndeshjes miqësore me Albpetrolin, ishit përkrah trajnerit Resuli si ndihmës i tij. E synoni trajningun?
Isha për momentin, sepse mungonte profesor Reni (zv.trajneri) për arsye personale (qesh). Kur të var këpucët në gozhdë, ditë që e shoh shumë larg, normalisht që po.