Liverpul-arsenal, fiton... mërzia

Goditja e parë në minutën e 71-të, gjithçka e hapur pas një jave në “Emirates”

Liverpuli nuk arrin të fitojë në “Anfield Road” gjysmëfinalen e parë të Kupës së Ligës kundër Arsenalit edhe pse e luajti më shumë se 75% të ndeshjes me një lojtar më shumë. Granit Xhaka u ndëshkua me karton të kuq që në minutën e 24-t, pasi ndërhyrja e tij ndaj Diogo Zhotës u gjykua nga Majkëll Oliver se i hoqi mundësinë e shënimit të një goli sulmuesit portugez, i cili po hynte drejt zonës pas asistit të Robertsonit. Trent Aleksandërarnold nuk arriti të ndëshkonte “Topçinjtë” nga ajo goditje dënimi, ndërkohë që londinezët bënë një paraqitje heroike në mbrojtje duke mos lëshuar asgjë ndaj rivalëve në 1/3-at finale të fushës. Për t’u shënuar është fakti që kjo është hera e parë që Liverpuli dhe Arsenali regjistrojnë një barazim 0-0 kur përballen mes tyre në Kupën e Ligës, më shumë se çdo përballje tjetër në historinë e këtij kompeticioni. Por Mikel Arteta largohet i buzëqeshur edhe për një arsye tjetër: sepse Liverpuli, nën drejtimin e Jyrgen Klopit, kundër skuadrës Arsenalit ka shënuar 43 gola në të gjitha kompeticionet, më shumë se kundër çdo rivali tjetër, duke i pasur “Topçinjtë” prenë e tyre të preferuar. Por dje nuk arritën ta thyenin murin e tyre edhe me një forcë më shumë në fushë. Pavarësisht se pjesën e parë “Reds”-at e mbyllën me një zotërim topi 80% (78% gjatë gjithë ndeshjes), ishte Arsenali që regjistroi goditjen e parë në portë dhe ajo erdhi në minutën e 71të: por prekja e parë e Bukajo

Sakës i lejoi Alisonit që të mos kishte probleme ndaj goditjes së afërt. Takumi Minamino goditi mbi traversë ndërsa pati shansin më të mirë të vendësve në minutat e fundit të ndeshjes. Kështu, nuk ka gola në 90 minutat e para që të dërgojnë drejt “Wembley”-t në 27 shkurt. Mbetet gjithçka e hapur për ndeshjen e kthimit që do të luhet të enjten e ardhshme në “Emirates”. Fituesi do të përballet me Çelsin në finale pasi skuadra e Tomas Tuhelit fitoi me rezultatin e përgjithshëm 30 ndaj Totenhemit.