Skënderbeu, Migen Memelli drejt rikthimit në stol
Dilemat drejt fundit, Takaj preferon pogradecarin Marrëveshja pranë, pritet edhe një takim për “vulën”
Po shuhen dilemat për pankinën, Skë nderbeu duket se e ka zgjedhur trajnerin e ri. Për sezonin e ardhshëm, pritet një rikthim i bujshëm. “Panorama Sport” mëson nga burime pranë klubit se parimisht është arritur një akord me Migen Memellin. Një bisedë e zhvilluar mes 42vjeçarit dhe Arjdan Takajt ka rezultuar e suksesshme. Pritet që palët të takohen drejtpërdrejt, për të vendosur përfundimisht detajet për nisjen e një bashkëpunimi. Edhe pse u lakuan emra të rinj për këtë rol, presidenti mendon që t’ia besojë “timonin” një ish-i. Kujtojmë që tekniku i ka drejtuar korçarët deri në muajin mars dhe më pas u largua për t’u zëvendësuar nga Skënder Gega, i cili gjithashtu nuk e mbylli sezonin.
Për mungesë rezultatesh ai dha dorëheqjen, pasi nuk dëshironte që të pengonte ecurinë e ekipit. E megjithatë, asgjë nuk ndryshoi deri në fund dhe skuadra ra. Kreut të bardhekuqve i ka lënë shije të mirë jo vetëm puna e bërë nga pogradecari në kampionatin e fundit, por mbi të gjitha ajo e dy sezoneve më parë. Asokohe ai arriti të siguronte edhe mbijetesën. Nisur nga ecuria që ka pasur tekniku në Korçë, Takaj është i bindur se ai është personi i duhur për t’i besuar drejtimin. Ndaj tani pritet vetëm zyrtarizimi. Vetë presidenti për gazetën ka lënë të kuptohet se është drejt mbylljes së marrëveshjes. Duket
se këtë herë do të jetë zgjidhja përfundimtare për pozicionin e kryepankinës. Më herët korçarët kanë pasur disa alternativa, fillimisht me Gugash Maganin e më pas me Ramadan Ndreun. Por Migen Memelli ishte i preferuari i presidentit, që nga momenti i parë kur zbriti në Kategorinë e Parë.