Resuli konfirmohet me kushte, firmos Neziri
“Presion” i Idrizit: Të kapin pritshmëritë ose hapin krahun
Marrin fund dil emat te Flamur tari. Është folur shumë këtë kohë për trajnerin, por klubi vendos që t’ia besojë ekipin Dritan Resulit edhe për një tjetër sezon. Sikundër gazeta e paralajmëroi pak ditë më parë, ndodhi. Me të ardhur nga Turqia, Sinan Idrizi arriti marrëveshjen me teknikun vlonjat që e ngjiti skuadrën në Kategorinë e Parë. Por, rikonfirmimi duket se nuk ka qenë edhe aq i lehtë. Pas atij takimi të gjatë të zhvilluar disa ditë më parë dhe një sërë kërkesash të vendosura për trajnerin, edhe dje kanë vuajtur pak. Palët qëndruan gjatë në tryezë, derisa shkuan drejt akordit. Bashkë me Resulin, administratori konfirmoi edhe vijimin e bashkëpunimit me drejtorin e klubit, Ardi Ciruna. Por duket se kushtet për të dy janë jo vetëm thjesht arritja e objektivit që është ngjitja e Flamurtarit të Superiore. Administratori i pati kërkuar Resulit një projekt të qartë se çfarë ai do të japë më shumë për skuadrën nga më parë.
– Sinan Idrizi tha për “Panorama Sport” se rikonfirmimi i trajnerit dhe Ardi Cirunës është i kushtëzuar. “Dritan Resuli do të jetë trajner i Flamurtarit. Por ky është një konfirmim i kushtëzuar për pankinën. E njëjta gjë vlen edhe për drejtorin Ardi Ciruna. Nuk është vetëm çështja
ADMINISTRATORI
e objektivit që ne kemi. Do të thotë konfirmim i kushtëzuar për strukturën, akademinë, për gjithçka. Ose Resuli dhe Ciruna do të plotësojnë pritshmëritë, ose përndryshe të hapin krahun e të dalin si ‘burrat në hije, luajnë kuvendojnë...’”, shprehet Idrizi.
MERKATO - Flamurtari nis prezantimet. Sikundër “Panorama Sport” e zbuloi, Sokol Neziri firmosi i pari. Prezantimin e bëri drejtori Ciruna. 25-vjeçari luan në linjën e djathtë dhe vjen si një përforcim i rëndësishëm për prapavijën. Nuk ka eksperienca në skuadra të tjera brenda apo jashtë vendit, përveçse në vendlindjen e tij. E ka nisur me skuadrën e parë që në 2014-ën, për të mos u shkëputur kurrë. Në total 158 ndeshje në kampionat dhe Kupë. Përvoja që ka fituar, është ajo për të cilën vlonjatët kanë nevojë për të realizuar misionin që i kanë vënë vetes.