Interi rikthehet te Kumbulla

Zikaltrit e kanë kërkuar edhe në 2020-ën, tani opsion nëse largohet De Vraj Murinjo nuk e sheh si titullar, sistemi i Inzagit do të ishte perfekt për Marashin

Faza e dytë e merka tos së Interit do të jetë e përqendruar te reparti i mbrojtjes, ku pritet që të bëhen edhe 2-3 përforcime, pasi prapavija do të pësojë shumë ndryshime. Kolarov dhe Ranokia janë larguar dhe me shumë mundësi Shkriniar me De Vrajin. Sipas “Tuttosport”, Interi ka një plan për të revolucionarizuar mbrojtjen. Përveç Bremenit dhe Milenkoviçit, njëri i Torionos dhe tjetri i Fiorentinës, një emër që ka dalë së fundmi në skenë është edhe ai i Marash Kumbullës. Në fakt, emri i shqiptarit është rikthyer si objektiv për zikaltrit, pasi Kumbulla është një lojtar që Interi e ka synuar edhe më përpara, përkatësisht në merkaton e vitit 2020, kur ai ishte pjesë e Veronës dhe nuk kishte firmosur akoma me Romën. Kumbulla nuk është titullar për Murinjon dhe gjithashtu për Interin do të ishte zëvendësimi i përsosur për një nga tre qendrat, veçanërisht nëse Shkriniar

dhe De Vraj do të largoheshin. 22-vjeçari në sezonin e kaluar me verdhekuqtë nga kryeqyteti u aktivizua në total në Serinë A në 17 ndeshje. Por nga ana tjetër, Roma ka një bilanc prej 20 milionësh euro dhe me shumë mundësi nuk do që ta shesë shqiptarin. E paqartë do të jetë edhe skema që do të përdorë Murinjo sezonin e ri, pasi mundësia është që të rikthehet të luajë me 4 mbrojtës dhe jo me sistemin ku janë tri qendra dhe dy në krahë, sistem ky me të cilin përshtatet më së miri 20-vjeçari i Kombëtares. Ndërsa te zikaltrit Marashi do të gjente një sistem 3-5-2, pasi Inzagi është i njohur për këtë dhe do ta kishte edhe më të lehtë mbrojtjen në fushë.

Përveç Interit që ka dalë në skenë, për Kumbullën është e interesuar edhe skuadra nga veriu i Italisë, Torino. Ivan Juriç e njeh shumë mirë mbrojtësin pasi e ka pasur nën drejtim te Verona dy sezone më parë, por mënyra se si e kërkon Torino, në formë huazimi, nuk është e pranueshme për Romën.