Kristal Abazaj zbulon: Më kërkoi edhe Partizani

Kristal Abazaj është një nga afrimet e Tiranës këtë merkato dimri. Në një prononcim për emisionin "Sport News" në "News 24", ai u tregoi se përse zgjodhi bardheblutë dhe se gjithashtu këta të fundit kanë të gjitha shanset për t'u shpallur kampion.

XHIXHA - "Tirana me transferimin e Xhixhës ka bërë një bingo. Mendoj që siç e thashë dhe më përpara, një hap mbrapa për të bërë tre përpara. Të ndihmoj Tiranën që ekipi të më ndihmojë mua.

PISHMANE - "Nuk mendoj se kam bërë zgjedhjen e gabuar. Nga Luftëtari tek Anderlehti nuk është pishman. Siç e thashë ka qenë një eksperiencë e bukur dhe do ta marrë me vete gjatë gjithë jetës".

SKUKA - "Dua t'i uroj fat Skukës. Është një djalë i ri me shumë potencial. Sa u përket shifrave, ato janë normale. I uroj fat Skukës, shifrat janë normale në një kohë që ka ardhur. Sot, siç thashë, nëse je lojtar i Kombëtares është më e thjeshtë".

KOMBËTARJA - "Malli të merr. Unë isha pjesë e listës me Italinë. E vesha fanellën dhe me Katarin. Kombëtarja aty është. Nëse bën performanca të mira është e hapur për të gjithë. Shqipëria ka lojtarë që luajnë në nivele të larta. Trajneri ka ardhur me frymë të re".

GJENDJA - "Kjo është diçka që i përket trajnerit. Po mundohem të marr veten pas një dëmtimi, shpresoj që më pas të shkoj me Kombëtaren".

TIRANA - "Dashuria ime me Tiranën është dashuri e hershme. Kemi qenë në të njëjtën rrugë. Kam qenë që i vogël tifoz i Tiranës. Sa i përket pritjes, çdo gjë ka qenë perfekte. Orgesin e njoh që nga koha e Kukësit kur kemi punuar bashkë".

DREJTUESIT - "Osmani e ka bërë më së miri pjesën e shefit të klubit. Presidentin duhet ta falënderoj se ishte gati për çdo gjë. Unë me trajnerin kam lidhje dhe jashtë fushës. Është njeri mjaft pozitiv dhe i drejtë. Unë e di afërisht si luan profesori, por unë jam gati".

TITULLAR - "Në fund është trajneri që vendos. Ne përgatitemi të jemi gati për çdo gjë. Unë e kam bërë edhe më parë rolin e qendërsulmuesit. Të jem i sinqertë lufta do të jetë e fortë deri në fund. Besoj se Tirana do të dalë kampione në fund. Besoj se më të rëndësishmet janë ndeshjet me ekipet 'e vogla'. Duhet të vlerësojmë këto, sepse me të mëdhatë e ke direkt motivimin. Ata janë të dy shokët e mi. Mua më vjen mirë kushdo të shënojë. Rëndësi ka të fitojë ekipi".

OFERTAT - "Ka pasur interes nga Partizani. Por dihet se kujt i përkas unë. Unë jam profesionist dhe e respektoj Partizanin. Thjesht bëj detyrën".

NOSTALGJITË- "Për Luftëtarin kam nostalgji pasi kam kaluar dy vitet e mia më të mira. Aty kam marrë hapat e parë në futboll. Nuk e di se çfarë bëhet me Luftëtarin, por kam qejf t'i shikoj në elitën e futbollit shqiptar".

TIFOZËT - "Mesazhi i vetëm për tifozët e Tiranës është të mbështesin ekipin dhe në fund do t'i bëjmë të lumtur siç na bëjnë ata neve".