Sociedadi ofertë Endri Çekiçit, Konia e refuzon
Duket se aventura e Endri Çekiçit në Tur qi po shkon drejt fundit, me mesfushorin e Kombëtares që është gati për një hap të madh në karrierën e tij. Lajmi ka marrë jehonë në mediat turke, teksa e çojnë Çekiçin drejt Real Sociedadit në La Liga. Gjithashtu ato theksojnë dhe se negociatat mes palëve kanë shkuar mjaft mirë dhe zyrtarizimi nga ana e klubit spanjoll mund të vijë në çdo çast. Por në orët e mbrëmjes së djeshme, sipas "konyayenigun", Koniaspori ka refuzuar ofertën e parë të Sociedadit dhe pretendon një shifër më të lartë për Endrin.
INTERESIMI- Prej disa ditësh ishte përfolur për një interesim të klubit spanjoll që ka bërë edhe një ofertë për pogradecarin, i cili është në muajt e fundit të kontratës me Koniasporin dhe nisur nga kjo, klubi i Superligës turke kërkon që të fitojë një shifër të mirë nga 26-vjeçari.
Teksa në Konia po ndiqnin zhvillimet në lidhje me Amir Hadziahmetoviç, për të cilin po bisedohet me Beshiktashin, në
NEGOCIATAT
klub ka shpërthyer një tjetër bombë transferimi. Ka rezultuar se Real Sociedad, skuadra spanjolle e La Ligës e renditur në vendin e tretë, kërkon shërbimet e Endri Çekiçit. Është thënë se klubi spanjoll ka bërë përparim të dukshëm në negociatat e transferimit dhe zyrtarizimi për lojtarin e
Kombëtares mund të bëhet në çdo moment. Gjithashtu është raportuar se Koniaspor ka marrë masa për të zëvendësuar Çekiçin me bonjakun Dino Hotiç, i cili luan në Belgjikë me Cercle Bryzh.
SHIFRA -Lajmi i Endri Çekiçit ka marrë vëmendjen në Turqi, teksa gjatë
mbrëmjes së djeshme është raportuar edhe shifra që kërkon të arkëtojë skuadra e Koniasporit. Pengesë për zyrtarizimin po mbetet shifra që kërkon klubi turk, e cila është 5 milionë euro, teksa negociatat vazhdojnë. Vlera e shqiptarit, sipas "Transfermarkt' është 4.5 milionë euro.