5 gola Specias, duhet të jetë ndeshja e Dushan Vlahoviçit
X- Juventusi i ka fituar të pesta ndeshjet e Serisë A kundër Specias dhe në tri prej tyre nuk ka pësuar asnjë gol. - Nëse marrim parasysh tri sezonet e fundit të Serisë A, Specia është e vetmja skuadër rivale të cilës Juventusi i ka shënuar të paktën tri gola në dy transfertë të ndryshme: 1-4 më 1 nëntor 2020 dhe 2-3 më 22 shtator 2021.
- Specia nuk shënon në shtëpi prej 329 minutash (nga goli në minutën e 31-të i Nzola në Specia-atalanta 2-2). Ky është agjërimi rekord i bardhezinjve në elitën e futbollit italian.
- Juventusi është jo vetëm skuadra që e ka mbajtur portën e paprekur më shumë se kushdo tjetër në këtë kampionat (13 ndeshje pa pësuar gol), por në të njëjtën kohë edhe ajo që ka fituar më shpesh 1-0 (gjashtë raste).
- Juventusi ka vendosur një rekord të ri personal, lidhur me ndeshjet pa pësuar gol, duke qenë se askush nuk kishte arritur të realizonte 13 ndeshje të tilla në 22 daljet e para në kampionat. Ndërkohë, sezonet më të mira pa pësuar gol kanë qenë ai i 1985-1986 (14 ndeshje), ndërsa në 1977-1978 e mbajti portën të paprekur në 16 raste.
- Specia-juventus do të jetë edhe dueli i skuadrës që ende nuk ka shënuar një gol në 15 minutëshin e fundit të ndeshjes (Specia, ashtu sikurse edhe Verona) dhe skuadrës që nuk ka pësuar asnjë gol nga minuyta e 76-të e në vazhdim (Juventusi).
- Specia është i vetmi formacion që ende nuk ka shënuar një gol, me një lojtar të zbritur nga stoli.
- Dushan Vlahoviç numëron 5 gola në po kaq ndeshje, në Serinë A, kundër Specias, ndonëse 4 prej tyre kanë ardhur kur serbi ka qenë pritës në shtëpi. Dhe duke iu mbajtur shifrave, serbi do të jetë rreziku numër 1 i “Lakuriqëve të Natës”.
- Angel Di Maria ka qenë protagonist me 4 gola (2 realizime dhe 2 asiste) në 5 ndeshjet e fundit në kampionat. Me argjentinasin në fushë në këtë kampionat (13 ndeshje të luajtura), Juventusi ka një mesatare më të mirë të golave të shënuar (1.6 me atë në fushë dhe 1.4 pa argjentinasin), por edhe një përqindje më të lartë fitoresh (61.5 % me atë në fushë dhe 55.6 % pa argjentinasin).