Tërbuni nuk fiton as me Besëlidhjen, skuqet Bano
Ndreu debuton me barazim, lezhjanët zhyten më keq
Tërbuni ka harruar të fitojë. Pritej kthesa e madhe, por nuk ndodhi kështu. As me Ramazan Ndreun nuk erdhën pikët e plota. Vërtet nuk humbi, por barazimi nuk i ndihmon aspak dhe sidomos në një ndeshje shtëpiake. Si mos me keq po shkon situata për Besëlidhjen. Vazhdon të mos ngre kokë, duke u ngujuar në fund të tabelës. Në “Ismail Xhemali” ishte një ndeshje vërtet pa gola, por tejet e luftuar. Mjafton të shohësh që u dhanë 9 kartonë të verdhë dhe 1 i kuq. Tension pati sidomos në fund, kur Artan Bano u kap me gjykimin. Mori fillimisht të verdhë, e më pas të kuq. NDESHJA – Tërbuni-besëlidhja filloi me një minutë heshtje për të ndjerin Ismet Alcani, ishzyrtarin e FSHF-SË dhe njëherë baba i Alert Alcanit (ish-trajner i pukjanëve dhe sot drejt teknik te Besëlidhja). Tërbuni e nisi shumë mirë takimin. Që në nisje, ishin vendësit më kërkues. Rastet ishin të shumta,
por ai i Xhebrahimit duhet të veçohet. Kishte shansin që të jepte avantazhin në të 7-ën, por shpërdori. Edhe minutat në vazhdim flasin për pukjanët. Epërsia është e dukshme dhe në harkun kohorë të 17 minutave, regjistron tri raste të pastra. E megjithatë, goli nuk
duket. Shumë iu afrua Tafili në të 35-ën, por ajo goditje dënimi u ndal vetëm nga shtylla. Besëlidhja ka regjistruar dy mundësi me anë të D.markut në të 39ën dhe 40-ën, por më kot. Në të 42-ën Xhebrahimi kishte luksin që të sillte qetësinë pa shkuar në pushim, por shënjestra mun
gon. Edhe në pjesën e dytë pati ritëm e raste, e megjithatë rrjeta nuk erdhi kurrë. Miqtë janë treguar të kujdesshëm dhe kanë administruar më së miri në prapavijë dhe falë edhe aplikimit të shumë vonesave në lojë, ia kanë dalë të marrin një pikë. DITMIR PEMA