Katër mijë tifozë dhe polemika, Pogradeci shtang Elbasanin

Shtatë kartonë të kuq, miqtë e mbyllën me 9 lojtarë

Barazim mes tensionit në kryendeshjen e Kategorisë II

Nuk ka fitues në su persfidën e Kategor isë së Dytë në Grupin B mes AF Elbasanit dhe Pogradecit, me dy skuadrat që ndajnë pikët në një barazim 1-1 dhe vijojnë kryesimin pas 13 javësh kampionat. Në një stadium të mbushur me mbi 4 mijë të pranishëm, verdheblutë nuk ia dolën të merrnin fitoren, përpos entuziazmit që nuk mungoi për asnjë minutë. Të pranishëm në tribunën qendrore ishin edhe dy kryebashkiakët, Gledian Llatja i Elbasanit dhe Ilir Xhakolli i Pogradecit. Një përballje e rivalizuar dhe me shumë tension nga minuta e parë deri në të 100-ën, me arbitrin që nxjerr nga xhepi shtatë kartonë të kuq, pesë për lojtarët pogradecarë dhe dy për elbasanasit, që u përfshinë në sherr. Vendësit për më shumë se 85 minuta lojë luajtëm me një lojtar më shumë, por goli i Gavës nga pika e bardhë u sfumua nga Shkulakut në pjesën e dytë.

PJESA E PARË

Të besuarit e Gentian Stojkut e nisin mjaft mirë takimin, teksa fitojnë menjëherë penallti pas një tërheqjeje në zonë ndaj Dukës. Miqtë kontestojnë ashpër

dhe rrethojnë arbitrin Olsion Yzeiraj dhe për minuta të tëra e mbajnë të bllokuar në mesin e fushës, ku u desh ndërhyrja e sigurisë për të shuar gjakrat. Kryesori nxjerr me të kuqe mesfushorin Alfred Zefi, që ishte në fushë dhe gjithashtu Hyzellarin në pankinë, ndërsa më pas Gava ekzekutimin e penalltisë me një “Panenka” e ndal në rrjetë. Festë në shkallët e stadiumit, por kur mendohej se avantazhi numerik do të favorizonte verdheblutë, ndodh e kundërta. Të besuarit e trajnerit Samuel Nikaj nuk e ulin ritmin dhe rrezikojnë dy herë me anë të kapitenit Pura. Elbasanasit vuajnë presionin

dhe pavarësisht se mundohen të qetësojnë lojën, nuk kanë forcën e duhur për të dhënë goditjen përfundimtare, duke bërë që shifrat në fraksionin e parë të mbylleshin në avantazhin e vetëm një goli.

PJESA E DYTË

Pas pushimit, loja nis menjëherë me gol për Pogradecin. Peqini gabon në kthimin e një topi pas dhe është Shkulaku që del i vetëm me portierin Totoshi, ku mjeshtërisht e kalon “sferën” mbi të dhe barazon shifrat. Pas këtij momenti janë elbasanasit që sulmojnë me forca të shumta. Mirëpo, mungon efikasiteti në sulm, ndërsa pogradecarët

janë të rrezikshëm në kundërsulme, në një kohë kur inferioriteti numerik nuk duket fare në fushë. Ka shumë tension dhe pas çdo ndërhyrjeje hyn mjeku në fushë, ndërsa lojtarët nuk evitojnë dot as kacafytjet mes tyre. Minutat kalojnë dhe në fund nervozizmi arrin sërish kulmin mes futbollistëve, duke detyruar kryesorin të nxjerrë edhe nga një karton të kuq për secilën skuadër. Mbyllet gjithçka në barazim 1-1, duke e bërë më të ethshme garën për ngjitjen në Kategorinë e Parë. Një pikë në kampin elbasanas u trajtua si humbje, ndërsa te miqtë si fitore.