NOTAT E INTERIT

ONANA 6.5 - Në një terren të rrëshqitshëm dhe që nuk është i besueshëm për portierët e Interit, ia del të bëjë disa driblime, por nuk ka asgjë për të bërë në rastin e golit të Orsolinit.

DARMIAN 6 – Prekja me dorë e tij nuk u konsiderua penallti, edhe pse ka dyshime. Një ndërhyrje vendimtare në pjesën e dytë, por mund të shtyjë më shumë në krah.

DE VRAJ 5.5 – Paguan kartonin e verdhë, një masë e njohur tashmë e Inzagit, por holandezi ka gjithsesi një pjesë të parë të komplikuar, sepse Barrou nuk jep pika referimi (nga 46’ Açerbi 5.5 - Gjëja më e mirë? Nga krahu i majtë i jep mundësinë për golin e avantazhit Xhekos, por me topin që i dhuroi Barrout bëri një gabim të dukshëm).

BASTONI 5 – I pozicionuar keq kur Orsolini i shpëton atij në krah. Interi vërtet po niste kundërsulmin, por nuk ishte gabimi i parë i skuadrës së tij.

DUMFRIS 4.5 – Me paraqitjet e bëra së fundmi vështirë se arkëtohen 40 milionë euro nga shitja e tij. Vuan në mbrojtje, thuajse nuk shihet kurrë në ofensivë (nga 68’ D’ambrozio 5 Mes fatit të keq dhe keqkuptimit, vjen nga ai topi që i jep Bolonjës golin e fitores).

MIKHITARIAN 5.5 –Vlen të përmendet për atë tentativë nga jashtë, që ishte një nga rreziqet e pakta të Interit në pjesën e parë, edhe pse vuan shumë (nga 64’ Barela 6 – Hyn dhe skuadra gjen hapësira që më parë dukeshin të padukshme. Nuk është rastësi).

BROZOVIÇ 5.5 - Shumë vrapim, por pak ide. Alkimia me Çalhanoglunë është një territor i paeksploruar, veçanërisht në ndeshjet e këtij lloji (nga 83' Karboni – pa notë). ÇALHANOGLU 5.5 – Nëse flasim për paraqitjen është më i miri nga treshja e mesfushës, por ai top që dërgoi në tribunë me portë bosh peshon shumë.

GOSENS 6.5 – Më i miri në fushë për të tijtë, të paktën për sa i përket shkëputjes. Një paraqitje me luhatje në pjesën e parë, por në të dytën rritet dhe shtyn. Vështirë të gjesh lajme të mira nga kjo ndeshje, por gjermani mund të jetë.

LUKAKU 5 - Ulje-ngritje në atë që dha, por të parat dominojnë mbi të dytat. Gjëja më e mirë është marshimi në të djathtë që solli gabimin e Çalhanoglusë (nga 64’ Xheko 5.5 Hyn dhe e dërgon topin te Skorupski në atë që duhet të ishte topi i avantazhit).

LAUTARO 5.5 - Një tjetër ndeshje jo e mirë. Kimia me Lukakun po përmirësohet, por sigurisht që nuk është ai i kohërave të mira.

TRAJNERI INZAGI 5 - Një tjetër nokaut humbjeje në transfertë dhe pas triumfeve të mëdha në fushe. Një tjetër gabim pas Champions League. Mesfusha nuk bind, por në përgjithësi ka shumë pikëpyetje mbi zonën Champions.