Bajern, 3 “sekretet” e shpërthimit
Reparti difensiv dhe 33-vjeçari do t’i kthenin në “identitet” kampionët e Gjermanisë
Kampionati gjerman po përjeton situ atën më të çuditshme në 10 vitet e fundit, me të njëjtin protagonist, por me “skenarë” të ndryshëm, te paktën deri në javën e 22-të. Fjala është për Bajern Mynihun, aty ku dominimi i tyre nuk është vendosur në diskutim, megjithatë sërish ata janë “shkaktarët” e bashkëkryesimit me rivalët e Dortmundit. Fillimi i dobët në vitin 2023 ndikoi në lënien e pikëve në vazhdimësi, e për pasojë edhe ngushtimin e diferencës me ndjekësit, duke shkuar deri në kuotën e barabartë me verdhezinjtë pas 22 raundesh në Bundesligë. Dueli me Unionin do t’i vendoste djemtë e Nagelsmanit përpara përgjegjësisë, ndonëse ata u rikthyen “identitetit” me protagonistët e “vjetër”, Myleri i madh dhe një mbrojtje e hekurt. Më poshtë po ju prezantojmë me tri arsyet sipas “FCB Insider” në rigjetjen e Bajernit të frikshëm në momentin vendimtar rreth fateve të sezonit: 1. MYLERI, I PAZËVENDËSUESHËM Zëvendësimi që në fillim të takimit ndaj M’gladbah si rezultat i kartonit të kuq të marrë nga Upamekano, bëri që Myler të shikohej si alternativa e vetme nga Nagelsmani rreth ndryshimit të skemës dhe ruajtjes së ekuilibrave, i ndikuar nga inferioriteti numerik. Kjo skemë u pa në plane të ndryshme, nga njëri krah qëndronin kritikët me hipotezën se largimi i 33vjeçarit pas 15 minutash në “Borussia Park” evidentonte edhe përfundimin e besimit të Julianit në aftësitë e Mylerit, ndërsa nga krahu tjetër qëndron zgjedhja e trajnerit 35-vjeçar. Gjithsesi diskutime të tilla do të duhej të faktoheshin më qartë në një takim me më shumë përgjegjësi dhe ndikim si Bajern Mynihunion Berlin. Fitorja e thellë me “dirigjent” Tomasin foli pastër se “plakushi” nga Mynihu mbetet i pazëvendësueshëm në ekipin e rekordmenëve gjermanë, pavarësisht moshës. Dy golat e bavarezëve erdhën nga kreativiteti i 33-vjeçarit, element i rëndësishëm se sa “gurë” i
rëndë është dhe se çfarë do të thotë për skuadrën kur ai ndodhet në formë të mirë, aq më tepër në një moment përcaktues në kolaudimin e objektivave. Në 4 sfidat e nisur si titullar përgjatë vitit 2023, Tomas gëzon statistikat mbresëlënëse, 4 asiste dhe një gol, e përkthyer me mesataren e përfshirjes në finalizim çdo 72 minuta.
2. I FRIKSHËM NË NDESHJE VENDIMTARE
Gjigandët nga Mynihu
nuk kanë zhgënjyer asnjëherë kur vjen fjala në kampionatin gjerman, fitore në situata thelbësore dhe mbyllja e hesapeve mbi çështjen titull. Nëse flasim në lidhje me sezonin aktual, kjo dukuri qëndron në linjë të pakundërshtueshme. Kriza e shtatorit i vuri djemtë e Nagelsmanit përpara përgjegjësisë dhe sfida ndaj Leverkusen mori nota jetike mbi vazhdimësinë pas një sërë rezultatesh negative. Ata i shkatërruan
“Aspirinat” dhe vijuan të ndiqnin trendin në rritje për sa i përket lojës dhe spektaklit në kuadrin e Bundesligës. E njëjta tablo u prezantua edhe me Unionin. Ndarja e kreut me berlinezët e ktheu në obligim suksesin, aq më tëpër kur kampionët luanin në fushën e vet. Përfundimi nuk pati histori, përtej pritshmërive. Do të ishte pak nëse do të flisnin rreth një Bajerni të frikshëm, tris golash dhe 9 tentativa serioze
në kudrat, kundrejt statistikave të pastra nga rivali.
3. “BUNKERI DIFENSIV”
Pranimi i golit po kthehet në diskutim me përmasa të mëdha në Mynih, aty ku rasti i sfidës ndaj Myshengldbah me 3 tentativa të përfunduara në kuadrat po fillonte të jepte sinjale rreziku. Largimi i Upamekanos me të kuq i shtoi shqetësimet në letër, mbi duelin e radhës ndaj Unionit bashkëkryesues. Të dhënat përfundimtare nga kryendeshja e javës në Bundesligë dha konkluzione të qarta. Problemi i “krisjes” në mbrojte ishte zgjedhur me “arkitektët” De Ligt-pavar, e thënë ndryshe 0 goditje në kuadrat ndaj një rivali jo të zakonshëm.