Superliga, fitore në transferta për Partizanin e Erzenin Skënderbeu leksion Partizanit edhe në kampionat, Vllaznia mund Teutën
SPORT VOLEJ FEMRA/ Të kuqet pësojnë humbjen e parë në Superligë Vllaznia mposht me përmbysje Teutën, sot Tirana-studenti
VOLEJ/ “Demat” mundin Skënderbeun, shijakasit Elbasanin
Superliga e volejbollit të meshkujve ka luaj tur dje tri ndeshje për javën e 13-të. Partizani kryesues mundi Skënderbeun në Korçë me rezultatin 1-3. Vendësit i befasuan kryeqytetasit në setin e parë, për ta fituar këtë fraksion 25-20 me pikën finale nga Musaka. Partizani reagoi menjëherë, teksa skuadra e Ylli Tomorrit i korrigjoi gabimet për t’i fituar bindshëm tri setet e radhës në shifrat 1625, 12-25 dhe 20-25. Oforah me 21 pikë dhe Ozokye me 18 ishin lojtarët më efikasë në sulmin e miqve, të cilët me këtë sukses shkojnë në kuotën e 33 pikëve, duke i ruajtur pozitat në vendin e parë. Për korçarët pikëshënuesi më i mirë ishte Lloshi me 16. Asnjë problem për Erzenin në transfertën kundër Elbasanit të vendit të fundit. Shijakasit triumfuan pastër 0-3 në një sfidë që zgjati 90 minuta. Miqtë ishin superiorë në të tria setet, duke i fituar ato 16-25, 19-25 dhe 1925. Ky ishte suksesi i 11-të për Erzenin në kampionat, me shijakasit që ngjiten në vend të dytë në renditje, duke parakaluar Tiranën. Këta të fundit do të zbresin sot në orën 19:00 në parket për t’u përballur me Studentin në “Farie Hoti”. Një ndeshje tepër interesante e ditës së djeshme ishte ajo mes Vllaznisë e Teutës në Shkodër. Pas një beteje që zgjati 2 orë e 10 minuta, fitues dolën shkodranët 3-2. Një takim me përmbysje dhe ripërmbysje, teksa të zotët e shtëpisë fituan setin e parë 2521, ndërsa durrsakët reaguan në dy setet e tjera, duke i marrë ato në shifrat e njëjta 19-25. Vllaznia triumfoi në setin e katërt 25-23, ndërsa vulosi suksesin në setin final duke fituar 15-13. Kapiteni Qafarena me 22 pikë dhe Curraj me 21 ishin më të mirën në suksesin e kuqebluve, ndërsa për Teutën s’mjaftoi Xhebrahimi, autor i 27 pikëve.
Një javë pasi e mundi në finalen e Kupës së Shqipërisë, Skënderbeu ka shënuar një tjetër fitore përballë Partizanit, këtë herë në takimin e vlefshëm për javën e 13-të të Superligës. Korçaret e trajnerit Orlando Koja kanë triumfuar në fushën e tyre ndaj kryeqytetaseve me rezultatin e pastër 3-0, duke i shkaktuar kështu të kuqeve disfatën e parë sezonale në kampionat. I shtyrë nga publiku i zjarrtë korçar në pallatin e sportit “Tamara Nikolla”, Skënderbeu u shfaq dominues ndaj Partizanit për t’i mbyllur llogaritë e ndeshjes në një hark kohor prej 1 ore e 17 minutash. Edhe një herë tjetër protagoniste absolute në parket në suksesin e juglindoreve ishte amerikania Kayla Williams, e cila po bën diferencën në parket. Pas një ekuilibri në pikët e para, korçaret e përmirësuan ndjeshëm lojën, për ta fituar setin e parë 25-19, me pikën e fundit të shënuar nga Williams. Seti i dytë nuk kishte shumë histori, pasi vendëset u shkëputën menjëherë, ndërsa Haynie fiksoi në fund shifrat 25-17. E njëjta tablo është edhe në setin e tretë, i cili mbyllet sërish 25-17 për korçaret. Ky ishte suksesi i nëntë në kampionat për Skënderbeun, një fitore me vlerë që i konfirmon korçaret edhe në këtë edicion si favorite kryesore për titullin. Ndërsa Partizani, duket se e ka humbur atë shkëlqimin që ka pasur gjatë pjesës së parë të sezonit, me të kuqet mbeten në vend të parë, por tashmë jo më si të pathyeshme. Për sa u përket statistikave individuale në këtë takim, Williams me 20 pikë ishte lojtarja MVP e ndeshjes, mbështetur nga Elena Bego me 11 pikë dhe Jessica Haynie me 10. Te Partizani si gjithnjë rendimentin më të lartë e kishte Enkeleda Braho, autore e 11 pikëve. Në ndeshjen tjetër, Vllaznia mundi dje Teutën me rezultatin e pastër 3-0. Shkodranet u treguan superiore në fushën e tyre duke i fituar thellë të tria setet, respektivisht në shifrat 2516,
25-14 dhe 25-9. Klodeta Zhivani me 14 pikë, Sara Malaj me 12 dhe Edna Erkoçi me 10, ishin udhëheqëset kryesore të Vllaznisë në këtë sukses. Për durrsaket, asnjëra prej lojtareve nuk mundi të arrinte kuotë dyshifrore pikësh, ndërsa rendimentin më të lartë e kishte Flavia Memolla, autore e 7 pikëve. Java e 13-të e Superligës së volejbollit të femrave do të kompletohet sot me dy ndeshjet e mbetura. Fillimisht në orën 12:00 në sallën e Farkës, Korabi luan si pritës përballë Lushnjës, ndërsa në orën 18:00 në sallën “Feti Borova” do të zhvillohet derbi i kryeqytetit ndërmjet Tiranës dhe Barletit. Kujtojmë se kjo është java e parafundit për sezonin e rregullt, ndërsa më pas do ta ketë radhën pjesa më e nxehtë e kampionatit, faza “play off”.