Inter-juve rikthehet në modë, e ndjekin 1 miliard shikues
Në "La Scala"-n e fut bollit italian do të marrë jetë të dielën në mbrëmje në orën 20:45 derbi i Italisë, ai mes Interit dhe Juventusit, që pavarësisht se këtë herë nuk është një sfidë për kreun e tabelës, vazhdon të mbartë gjithë shkëlqimin e saj, falë edhe një statistike të veçantë. Kjo do të jetë ndeshja numër 180 në Serinë A ndërmjet Interit dhe Juventusit, duke u bërë kështu ndeshja më e luajtur në historinë e kampionatit (ndeshjet ndërmjet Interit dhe Romës janë 179), me një bilanc që shikon dukshëm në avantazh bardhezinjtë me 86 fitore kundrejt 48 të zikaltërve dhe 45 barazime. Dueli është rikthyer të shkëlqejë edhe jashtë fushe, aty ku pritet të ndiqet nga 1 miliard shikues të shpërndarë në 185 vende të ndryshme të botës, ku do të transmetohet ndeshja. Nga paradoksi "San Siro" që është në favor të Juves, deri tek ecuria e klubeve dhe lojtarëve, ja disa nga statistikat më interesante të ndeshjes. STATISTIKAT
- Juventus mundi Interin 2-0 në ndeshjen e parë dhe nuk ka grumbulluar dy fitore në dy ndeshje në të njëjtin kampionat kundër zikaltërve që nga sezoni 2019/20 (me trajnerë Sarrin dhe Konten). Përveç kësaj, për të gjetur dy fitore të bardhezinjve brenda një sezoni pa pësuar gol duhet të kthehemi në 1976/77.
- Interi nuk e ka mposhtur Juventusin në një ndeshje në shtëpi të luajtur në fazën e dytë të Serisë A që nga prilli 2010 (2-0). Përveç kësaj, në epokën pas Tripletës, zikaltrit kanë fituar vetëm 2 nga 12 takimet e tyre
në kampionat në shtëpi me bardhezinjtë (5 barazime, 5 humbje), të paktën 3 fitore më pak se kundër çdo kundërshtari tjetër që kanë takuar të paktën 10 herë në "San Siro" gjatë kësaj kohe.
- Që kur Seria A u kthye në 20 ekipe (2004/05), kjo është hera e pestë që Interi humbet të paktën 8 nga 26 ndeshjet e para. Në katër rastet e tjera, zikaltrit nuk kanë përfunduar kurrë në katër vendet e para të renditjes në fund).
- Vetëm Napoli (23) ka shënuar më shumë gola se Juventusi (20) në Serinë A që nga fillimi i vitit 2023 dhe
vetëm kryesuesit (9) kanë arritur më shumë fitore se bardhezinjtë (7) në këtë vit kalendarik.
- Interi është mposhtur në 3 nga 6 ndeshjet e fundit të Serisë A të luajtura pas ndeshjeve të Ligës së Kampionëve, duke përfshirë dy të fundit sipas rendit kronologjik (kundër Bolonjës dhe kundër Juventusit në ndeshjen e parë). Juventusi ka fituar të gjashta ndeshjet e fundit të kampionatit të luajtura pas angazhimeve të tyre europiane.
- Vetëm Arsenali (195) ka bërë më shumë goditje se Interi
(188) në pesë ligat më të mira europiane që nga fillimi i vitit 2023. Juventusi (171) është i pesti në këtë renditje speciale, gjithashtu pas Fiorentinës dhe Real Madridit. Bardhezinjtë kanë goditur 10 shtylla dhe traversa këtë vit kalendarik në Serinë A (6 në dy ndeshjet e fundit), një rekord në pesë kampionatet kryesore europiane gjatë kësaj periudhe.
- Vetëm Lacio (26) ka shënuar më shumë gola nëpërmjet mesfushorëve se Juventusi (18) në Serinë A këtë sezon. Të dy golat e bardhezinjve kundër Interit në ndeshjen e parë erdhën nga mesfushorët Faxhioli e Rabio, ndërkohë që një sezon më parë torinezët shënuan vetëm 12 gola falë mesfushorëve.
- "San Siro" është stadiumi italian ku Dushan Vlahoviç ka luajtur më shumë ndeshje (5 në të gjitha kompeticionet) dhe më shumë minuta (280) pa shënuar asnjëherë.
- Asnjë lojtar nuk ka shënuar më shumë gola në shtëpi në Serinë A në vitin 2023 sesa Lautaro Martinez (4, si Rabiot dhe Osimhen). Megjithatë, argjentinasi ka shënuar vetëm 1 gol në 9 ndeshje të kampionatit kundër Juventusit dhe ka mesatarisht 1 gol çdo 586 minuta të luajtura kundër bardhezinjve, më keq se ndaj çdo kundërshtari tjetër në kampionat (përjashtuar Kievon dhe Xhenoan, të cilave nuk u ka shënuar asnjëherë).