Apolonia kthehet te suksesi pas 73 ditësh, “çan” Luzin me penallti
Pas plot 73 ditësh, Apolonia është rikthyer te fitorja e shumëdëshiruar në kampionat. Ndeshja e javës së 19-të mes Apolonisë dhe Luzit 2008 u mbyll me fitoren minimale, 1-0, në favor të fierakëve, sukses i cili u arrit në stadiumin “Loni Papuçiu”. Heroi i fierakëve rezultoi mesfushori Stefano Omeri, i cili ktheu në gol penalltinë e fituar nga sulmuesi Erald Maksuti në minutën 31. NDESHJA- Që në start, Apolonia është më dominuese në mesin e fushës dhe më e rrezikshme në sulm. Edhe miqtë që përpiqen të organizohen. Pas minutave të para të vrullshme, ritmi i lojës u ul ndjeshëm. Fierakët patën disa mundësi, por goli vjen vetëm në minutën e 31-të. Mesfushori
Shanaj hedh një top të gjatë pas krahëve të qendrës së mbrojtjes duke nxjerrë krejtësisht të lirë sulmuesin Maksuti, por nga pas ndërhyn në mënyrë të gabuar mbrojtësi Burgaj. Shumë afër zonës kryesori Dyrmishi akordon 11-metërsh. Ekzekutimin e bën mesfushori
Omeri, i cili nuk gabon dhe Apolonia është në avantazh. Pavarësisht golit, fierakët nuk u ndalën me sulmet e tyre Pjesa e parë u mbyll me golin e Omerit. Luzi ka një tjetër “marsh” dhe arrijnë të rrezikojnë seriozisht dy herë me sulmuesin Mandela. Apolonia zgjohet me vonesë
dhe pas minutës së 70-të del përpara. Në minutën e 84-t, janë miqtë ata që “flirtojnë” me golin. Mesfushori Laho ka hapësirë dhe pa humbur kohë asiston mjeshtërisht në krah për sulmuesin Treni. Ky i fundit, me një diagonale të bukur pranë zonës, gjen vetëm shtyllën. Minu
tat e mbetura nuk sollën asgjë të re, me fierakët që ishin më së shumti në administrim të rezultatit. Nga ana tjetër miqtë thuajse të dorëzuar për të ndryshuar rrjedhën e lojës. Kështu që Apolonia i falet 11-metërshit, të kthyer në gol nga mesfushori Omeri. HILMI SALIU