Nga yjet e Leverkusenit te Kejn, ja formacioni prej 148 golash
Prapavija e Ksabit të fut frikën, Herri “përbindësh”
Skuadra e goleadorëve, mungon Erling Haland
Kanë kaluar 30 ndeshje dhe Bajer Leverkusen nuk e njeh ende humbjen në çdo front të mundshëm. “Aspirinat” po përjetojnë sezon ëndrrash, e ku janë në rrugë të mbarë në çdo kompeticion të mundshëm, nga Kupa, Bundesliga e deri te Europa Ligë. Nëse e vendosim “lupën” në kontributin e lojtarëve nga gjiri i Leverkusen, arrijmë të zbërthejmë edhe “ekuacionin” se nga buron fuqia e këtij ekipi me emra mesatarë në përbërje, por me të dhëna anormale, krahas pozicioneve që mbajnë në fushë. Deri në këtë pikë të ciklit 2023- 2024, po ju prezantojmë formacionin me lojtarët me efikas para portës mike, nga çdo repart, përfshirë edhe portierët.
Porta-gardiani i Lacios Ivan Provedel është i vetmi në turnetë më elitarë të Europës që e ka nuhatur saktë katërkëndëshin e rivalit, e cila përkon me sfidën ndaj Atletiko Madrid në “Olimpico”, e mbyllur në barazimin dramatik 1-1.
Mbrojtja-kreativiteti i Leverkusen në finalizim e ka zanafillën me trekëndëshin defensiv Grimaldo-tah-frimpong. Në kornizë më fikse Alejandro Grimaldo ka rezultuar i suksesshëm në shënimin e 9 golave në të gjitha garat ku ekipi i tij ka marrë pjesë. Futbollisti spanjoll, i cili mbulon korisë e majtë në prapavijë konsiderohet “armë” e fshehtë në strategjinë e Ksabi Alonsos, jo vetëm rreth shtytjes së ekipit, por edhe shfrytëzimin e hapësirave për të bërë dëm në zonën mike. Zherëmi Frimpong nuk mbetet pas në kuadrin e konkretizimeve. “Raketa” holandeze ka shënuar 7 gola, kuotë e cila të bën konfuz rreth rolit që mbulon, mbrojtës linje. Shpejtësi, kreativitet, finalizues, i qëndrueshëm, janë disa nga virtytet e 23-vjeçarit. Dominanca e “aspirinave” gjen qasje edhe në murin e mbrojtjes. Xhonatan Tah po zhvillon etapë fenomenale, aty ku shtatlarti gjerman ka marrë profilin e një “përbindëshi”, 5 gola, e ku mbizotërojnë goditjet me kokë fatale në kuadratin mik, rasti më i freskët korrespondon ndaj Shtutgartit. Në këtë panorame, Serxho Ramos i vë kapak mbrojtjes, po me 5 finalizimeve. Mosha ka mbetur thjesht një numër në evoluimin e andaluzianit, ndonëse tashmë në ngjyrat e Seviljës.
Formacioni i goleadorëve në
Europë, ciklit
MESFUSHA- Fill Foden gjen qasje në të majtë të mesfushës me 14 gola, kurse në qendër pozicionohet “galaktiku” Xhud Bellingam ( 18 konkretizime). Futbollisti me numër “5” në “Santiago Bernabeu” i ka “hipnotizuar” të gjithë me “vallëzimin” në
fushën e blerë, e ku golat, asiste dhe lëvizjet plotë klasë janë “meny”-ja e anglezit. Kol Palmer mbyll tredhëmbëshin totalisht anglez në mesfushë, si surpriza jo vetëm në radhët e Çelsit.
SULMI- Supermacia e Herri Kejn në Bundelsigë ka
dhënë “reaksion” edhe në kontinentin e vjetër. Shënuesi më i mirë në “top-5” ligat, ndërsa në totalë grumbullon 28 gola, pykë që nuk konkurrohet as nga “bisha” norvegjeze Erling Haland. Bomberi 30-vjeçar do të jetë kërcënimi numër një në portën e
Hradeckit përgjatë supersfidës Leverkusen-bajern Mynih, e vlefshme për javën e 21të në kampionatin gjerman. Në të majtë shtrihet Kilië Mbape, protagonist absolut te Parisi. Mohamed Salah përmbyll “top 11”-shen e Europës në prizmin e golave.