Tifozët duan “kokën” e tij, Tuhel: Ia shtruam ne rrugën
Trajneri i bavarezëve i bashkohet qëndrimit të Mylerit
U cilësua me të drejtë si ndeshja më e rëndësishme e Tomas Tuhel në detyrën e trajnerit te Bajern Mynih, por 50-vjeçari dështoi të merrte rezultatin e dëshiruar, pas humbjes me shifrat 0-3. Tifozët e bavarezëve u panë mjaft të irritur në shkallët e “Bayarena”, teksa thirrën pas sinjalizimit të disfatës njëzëri “Tuhel, jashtë!”. Pakënaqësi e mbështetësve u pa edhe ditën e diel në ambientet jashtë qendrës stërvitore, ku u gjend e shkuar pankarta me frazën “Tuhel, jashtë!”. Vetë trajneri ka reaguar në zonën e intervistave mbi lojën e skuadrës, duke rënë dakord me qëndrimin e Tomas Myler, me këtë të fundit që e “tradhtuan” nervat.
“TIMONIER” Tuhel-”suksesi i rivalit erdhi prej gabimeve tona në mbulim. Rasti më flagrant gjen terren në golin e parë. Katër lojtarë mbetën statikë dhe Stanisiçit nuk i mbeti gjë tjetër përveç të shtynte topin në rrjetë, fiks sikur të ishim në gjumë. Na mungoi fuqia në konkretizimin e aksioneve. Përsa i takon rreshtimit taktik, e gjithë përgjegjësi bie mbi mua. U përgatitëm gati një javë dhe e analizuam si skemën më efektive, marrë shkasë prej karakteristikave të kundërshtarit. Futbollistët dhe stafi teknik e mbështetën si strategji, pra ishim të gjithë dakord. E kuptoj zemërimin e Tomas Myler dhe i jap të drejtë. Përmirësimi do jetë çelësi për kalimin e këtij momenti jo të mirë. E vërtet, kampionati është në duart e Leverkusenit dhe ne nuk kemi asgjë në dorë, veçse t’i fitojmë ndeshjet tona, megjithëse s’do të thotë se gjithçka ka përfunduar, janë në lojë shumë pikë, prandaj beteja vazhdon, ndonëse në distancë”, e mbylli Tomas Tuhel.