Nojer: Lacio, testi për të harruar Leverkusenin
Gardiani 37-vjeçar: Gjuri është mirë, luaj titullar
Situata te Bajern My nih pas “furtunës” që pësuan nga Bajer Leverkusen duket se ende ka lënë pasoja në sipërfaqe. Manuel Nojer nuk i ka dhënë rëndësinë e duhur rivalit, madje duke e përkufizuar duelin me Lacion si ndeshjen për të harrur kujtimin e hidhur të ndeshjes së shkaktuar kundër “aspirinave. Kapiteni tha po ashtu se e ka kaluar problemin në gju dhe shqetësimet tanimë janë pjesë e të shkuarës.
LËNDIMI-”GJURI im është mirë. Kam disa ankesa të vogla, por jo në atë masë që nuk mund të stërvitem apo të luaj. Jam optimist”.
CHAMPIONSI-” Pas një eksperience të keqe ndaj Leverkusenit, jemi gati të zbresim sërish në fushë sa më shpejt që të jetë e mundur, me qëllim harrimin e humbjes. Ne duhet të kujtojmë ecurinë pozitive që kemi pasur në Ligën e Kampionëve, faza e grupeve dhe ta marrim si referencë. Gjithmonë duhet të jemi në gjendje të rikthehemi pas disfatave. Kjo është ajo që e bën ekip një profesionist”, vijojë lojtari me numër “1” në urdhrat e Tomas Tuhel.
LIDERIT-”NE kemi shumë drejtues në ekip, të cilët e bëjnë shumë mirë. Numri i lëndimeve në javët e fundit s’ka qenë i lehtë. Me fat që kemi në gjirin Tomas Myler dhe Herri Kejn. Mbajtja e frymës pozitive në të tilla situata gjithmonë na nxjerr nga momenti delikat”.
HUMBJA-”MË vjen keq që nuk mundëm ta interpretonim në mënyrë të zgjuar. Plani fillestar nuk rezultoi efikas. Kam dëgjuar kritikat e mediave rreh rendimentit të Kejnit ndaj Leverkusen, por nëse Herri nuk furnizohet, atëherë është e pamundur finalizimi. Kur anglezi merr topa në zona të përshtatshme, vijnë edhe golat. Ai e ka dëshmuar se është fenomen goli”, shtoi Nojer, e cila vjen në mënyrë indirekte “goditje” për mesfushën në mbështetjen e Kejnit me asiste.
LACIO-” Skuadrat italiane mbrojtjen gjithmonë mirë. Qendra e prapavijës do spostohet shumë thellë. E dimë se kemi pasur probleme kundër ekipeve të supozuara në letër të vogla. Lacialët e meritojnë të jenë në fazën eliminatore. Patjetër do përpiqemi të bëjmë më të mirën dhe japin performancë të lartë si ekip i bashkuar në arritjen e objektivit”, përfundoi Mnauel Nojer.