Miqësorja me Kilin, më 22 mars në Parma të Italisë

Tashmë është zyrtare, ashtu edhe siç gazeta raportoi rreth dy javë më parë, Kombëtarja shqiptare do të luajë miqësoren e parë të muajit mars kundër Kilit. Federata Shqiptare e Futbollit ka rënë dakord me Federatën e Futbollit të Kilit që kjo ndeshje miqësore të luhet në stadiumin ‘Enio Tardini’, në Parma të Italisë, më 22 mars, duke nisur nga ora 20:45. Pas disa kohësh negociata, u vendos që miqësorja të luhet në Itali. Kjo është ndeshja e parë në histori mes këtyre dy përfaqësueseve. Kili është një nga ekipet kombëtare më me histori në Amerikën Latine, teksa ka fituar dy herë “Copa America”-n dhe ka marrë pjesë në disa finale të kampionatit Botëror të futbollit. Për kilianët, në stol do të debutojë trajneri i ri Rikardo Gareka, ndërsa tri ditë më vonë, do të sfidojnë Francën. Interesante do të jetë pasi Kristjan Asllani do të përballet me shokun e shkuadrës tek Interi Aleksis Sançez.

Suedi-shqipëri; Sakaq, më 25 mars, tri ditë më vonë Shqipëria do të luajë edhe miqësoren e dytë të këtij muaji, ndaj Suedisë. Ky takim do të luhet në stadiumin “Friends Arena” të Stokholmit, në orën 19:00. Këto dy ndeshje miqësore janë në kuadër të përgatitjeve të Kombëtares për Europianin “Gjermani 2024”, ku trajneri Silvinjo do të ketë mundësinë që të testojë lojtarët dhe ekipin kuqezi pas thuajse 4 muajsh nga ndeshja e fundit. Padyshim që në listë pritet që braziliani të provojë edhe disa emra të rinj. Ndërkohë, sa u përket miqësoreve që do të luhen pak javë para Europianit, asgjë nuk është bërë zyrtare.

STADIUMI: ENNIO TARDINI STADIUMI: “FRIENDS ARENA”

3- 1

18: 00

SET