Milan-roma, eurodueli i herëve të para
Pak pas mesditës, Milani dhe Roma kuptuan se do të jenë rivale të njëratjetrës në Ligën e Europës. Pas zbarkimit të De Rosit kryeqytetasit kanë njohur vetëm një humbje, e cila ishte ajo e dy ditëve me parë ndaj Brajtoni që nuk kishte kurrfarë rëndësie. Deri më 11 prill kur do të luhet sfida e parë në "San Siro" ka ende kohë, por të dyja skuadrat e vlerësojnë në maksimum sfidën, sidomos në kuadër të një gjysmëfinaleje që do të thoshte shumë për historinë dhe arkat. Ndërkohë, Atalanta e Gjimshitit ka peshkuar Liverpulin, ndërkohë që Uest Hemi dhe Marseja janë shortuar respektivisht me Bajer Leverkusenin e Granit Xhakës dhe Benfikën. Për nga emrat, këto çerekfinale tingëllojnë si prej Champions-i. STATISTIKA PËR MILAN-ROMA - Pas shortit të djeshëm Milani dhe Roma rezulton se përballen në një turne europian për herë të parë në historinë e dueleve mes tyre, teksa edhe për kuqezinjtë kjo është hera e parë në Ligën e Europës që hasin një rival me kombësi të njëjtë.
- Njëkohësisht, dy skuadra italiane përballen me njëratjetrën në Ligën e Europës për herë të parë që nga marsi 2015: Fiorentina dhe Roma në atë rast u kryqëzuan në 1/8- at dhe kualifikimin e meritoi skuadra nga Firence.
- "Djalli" ka përparuar ose triumfuar në pesë nga shtatë rastet e mëparshme në të cilat është përballur me një tjetër skuadër italiane në turne euopiane. Eliminimet kanë ardhur vjet kundër Interit në gjysmëfinale të Ligës së Kampionëve dhe kundër Parmës në Superkupën europiane të luajtur në vitin 1994.
- Roma do të përballet me një tjetër skuadër italiane në turne europian për herë të tretë, pasi u eliminua në dy të mëparshmet: në fazën e 1/8-ave të Ligës së Evropës kundër Fiorentinës në sezonin 2014/15 dhe në finalen e Kupës UEFA kundër Interit në sezonin 1990-91.
- Roma ka arritur në çerekfinalet e Ligës së Europës/kupës UEFA në dy rastet e fundit në të cilat ka luajtur këtë raund të turneut (kundër Ajax në 2020/21 dhe Fejnord në 2022/23) pasi pësoi eliminim në katër prej pesë rasteve të mëparshme në të cilat morri pjesë këtë fazë të turneut.
- Milani do të luajë çerekfinalet e Ligës së Europës/kupës UEFA për të pestën herë në historinë e tij: më parë kuqezinjtë e
kaluan në këtë fazë të turneut në sezonin 1971/ 72 kundër belgëve të Lierses dhe në 2001/ 02 kundër Hapoelit të Tel Avivit. Ndërkohë, kuqezinjtë u eliminuan në 1975/76 nga Bryzhi dhe në 1995/96 nga Bordoja ku sapo kishte filluar të hidhte hapat e para të karrierës një farë Zinedin Zidan.
- Falë pjesëmarrjes në gjashtë, Roma është skuadra italiane ndaj të cilës Rafael Leao ka kontribuar për t'i shënuar më shumë. Verdhekuqtë, ashtu si Verona (6 gola kundër) janë viktimat e preferuara të portugezit brenda territorit italian.