Ksabi Alonso, euforik pas triumfit: Duam tripletë!

Trajneri siguron tifozët edhe për një vit tek “aspirinat”

Iberikasi thyen mallkimet e “humbësit” të finaleve

Nga “Neverkusen” në “Neverlosen”, ishin tituj e mediave botërore, të cilët shoqëruan triumfin historik të Bajer Leverkusen, kurorëzimin për herë të parë në Bundesligë. Ksabi Alonso i mori në drejtim “aspirinat” sezonin e shkuar mes “trazirash”, teksa “notonin” në vendet e fundit të tabelës, ndërsa pas “kantierit” me transferime në verë, arriti brenda një kohe të shkurtër, t’i ngrejë në nivel kaq të lartë. Pas sigurimit të titullit kampion, Ksabi nuk u ndal me kaq, duke e rritur “urinë” për suksese në ciklin aktual: “Ne kemi fituar Bundesligën pas një rrugëtimi të gjatë. Shumë rivalë kanë zbarkuar në fushën tonë, ashtu siç ne kemi udhëtuar në stadiumet e tyre, por ama nuk e kemi njohur humbjen. Ky është padiskutim atribut i grupit. Gjithmonë jemi përpjekur të mbajmë frymë pozitive dhe të përmirësohemi pas çdo ndeshjeje. Data 14 prill do jetë e shënuar me germa të arta në karrierën time profesionale, ashtu siç besoj për tifozët e Leverkusenit. Nuk e kishim fituar kurrë këtë kompeticion, por pritja mori fund, për më shumë në mënyrë të jashtëzakonshme. Pas kësaj feste me birra dhe urimeve të shumta, e enjtja vjen shpjet. Ne kemi fituar me shifra të pastra duelin e parë, por kemi kryer vetëm gjysmë e punës. Takimi në Londër do të vulos çështjen e kalimit në fazën gjysmëfinale

në Europa Ligë, një tjetër kompeticion që ne aspirojmë t’i shkojmë deri në fund. Personalisht e cilësoj nder të punojë në këtë ekip. Do të jem këtu edhe për një vit tjetër. Më pas të shohim. Besoj se mjafton për tani”, përfundoi mes të qeshurash “arkitekti” i Leverkusenit

të frikshëm. Kupa e Gjermanisë është një tjetër front ku Granit Xhaka me shokë do të tentojnë ta fitojnë, teksa do ta diskutojnë finalen me modestët e Dyseldorf. Vlen të ceket se përveç Bajern Mynih, asnjë klub tjetër gjerman nuk ka korrur sukses në tria garat.